Fitz > 運動 Sports > 跑步 Running > 天水圍10K | 久違了的實體長跑賽回憶

 

在 Instagram 查看這則貼文

 

Fitz | 運動.生活.玩樂(@fitz.hk)分享的貼文

俗稱「天水圍10K」嘅「香港十公里錦標賽」日前舉行,賽事有幾激烈,選手表現有幾好,大家都已經聽咗好多。作為平民跑手,令人注意嘅係完賽之後,各個跑步群組再次活躍起來。

其中最為熱烈討論嘅,就係「泳池男」再次現身實體賽事,佢一如以往著住女裝一件頭泳衣,懶理途人嘅訕笑,沿住賽道奔馳。

對唔少跑友而言,「泳衣男」係落場比賽嘅集體回憶,甚至稱得上本地跑步風氣最興盛時嘅代表人物之一。正如見到 Happy伯會諗起屯門公園,見到「泳衣男」就會諗起路跑賽。當年差唔多每個禮拜,無論大型至小規模比賽,都可以見到「泳衣男」身影,唔少參賽跑友都一定試過同「泳衣男」同場比賽,聞過「泳衣男」陣味。

如今再次見到「泳衣男」,係咪意味跑步活動已經「復常」呢?

令人懷念嘅「泳衣男」,仲有跑步群組嘅盛況,大家完賽後爭相分享個人成績、中槍相片,以至比較各個賽事嘅跑衫、獎牌、紀念品,以至補給食物。

一場疫情前後三年,大家可能已經遺忘咗好多嘢,不過今日見返「泳衣男」,亦希望大家可以記得三年前我哋擁有過啲乜,呢三年又失去咗啲乜。

「泳衣男」小傳

「泳衣男」原名謝允健,2016年佢接受 Fitz 嘅訪問,由佢親口解釋著泳衣比賽嘅原因。你同意唔同意都好,呢個都係佢個人選擇,都應該要尊重。


文章為作者意見,不代表Fitz立場。
歡迎投稿: http://fitz.hk/contribute/