4月24日,我們在Facebook專頁上載了這張照片,不少人議論紛紛。

相中人,叫做謝允健。

見相片帶來極大回響,我們隨即聯絡謝師兄,大概一星期後,他終於同意接受我們訪問。

(我:筆者;謝:謝允健)

我:點解你要咁著呢?

謝:我舊年參加為食跑,跑4公里。當時有個「最突出造型獎」,我攞到獎。於是之後嘅糖尿健康長跑、曲奇跑、香港街馬,同埋上次嘅猛龍慈善跑,都係用呢個打扮出賽。

我:即係話,你純綷係因為要引人注意先咁著?

謝:其實我係想喚醒大家對殘疾運動員嘅關注。

我:吓?!咩殘疾運動員?

謝:呢兩位係韻律泳運動員Vanessa Sahinovic同埋撐杆跳運動員Kira Grunberg。佢哋兩個因為意外而唔能夠企返起身……

我:(心諗) 邊鬼個嚟架? (仍然保持禮貌) 係呀?原來你咁有心嘅!呀,有網友想知呢,你一共有幾多套泳衣呢?

謝:嗰啲係三項鐵人嘅服飾嚟架。

我:(心諗) 三鐵咁著嘅咩…… (繼續問) 咁樣呢,你喺我哋個fanpage留言話,唔會再咁著喎,係咪真嘅先?

[專訪泳衣男] 我喚醒咗大眾_04

謝:係架。而家我都成功引到人注意,我之後都會收歛一下嘅。

我:咁你練咗跑幾耐?

謝:我20歲跑過一次渣馬,不過直到舊年先開始多啲參加比賽。平日只不過係得閒出街練下跑咋……

以上就係整個訪問裏,最重要一部份對話。

[專訪泳衣男] 我覺得我喚醒大眾 1

謝兄以上圖嘅打扮奪得為食跑最佳造型獎。
謝兄以上圖嘅打扮奪得為食跑最佳造型獎。

[專訪泳衣男] 我覺得我喚醒大眾 3 [專訪泳衣男] 我覺得我喚醒大眾 4 [專訪泳衣男] 我覺得我喚醒大眾 5筆者唔打算去評價謝師兄嘅打扮,只係覺得既然有人比賽扮比卡超,著水手裝,咁點解男人著件「疑似」女裝泳衣,就要去取笑?

而且,師兄咁嘅打扮,原來係為咗叫人關注兩位香港人唔係太熟悉嘅運動員 (雖然真心唔明同著三鐵衫有咩關係),加上從佢以參加慈善比賽為主嘅情況,可以了解到,謝師兄確實係一位熱血心腸嘅人。

最後,我在此向謝允健師兄致以衷心道歉。我上個月睇到嗰張相嘅第一個反應,亦有取笑一番。而經過呢次訪問,又提醒我,凡事不能單看表面。當一個人拒絕去了解其他人想法,其實先係值得取笑嘅行為。

唔少馬拉松都有人會Cosplay,其實有乜出奇?
唔少馬拉松都有人會Cosplay,其實有乜出奇?

部份圖片由被訪者提供

補白:Vanessa Sahinovic及Kira Grunberg

Vanessa Sahinovic,奧地利韻律泳運動員,2015年喺阿塞拜疆嘅比賽期間遇到車禍。意外中有三人受傷,其中Vanessa Sahinovic情況嚴重,至今仍不能行走。

Vanessa Sahinovic (左)
Vanessa Sahinovic (左)

Kira Grunberg,奧地利撐杆跳運動員。2015年於北京比賽時,在練習期間發生意外,雙腳癱瘓。

Kira Grunberg
Kira Grunberg

Kira受傷一刻短片

為兩位運動員籌款的網站:I Believe in You (奧地利文)

更多:
Fitz.hk Facebook專頁
本季最後一次搏老命
[永不言敗] 愛爾蘭大學生爆seed追到尾
Fitz Running 跑步