金沙遠足30k
金沙遠足30k

跑步?由唔鍾意跑步去到完成全馬 … 呢個過程真係好難以置信?只要你信!就有可能!

先講講我嘅跑步歷程吧,幾時開始接觸跑步?大約係2013年吧,當時因為想減下肥,所以就隨便跑跑。哥陣ge我跑水塘一圈(約2.5K)已經打柴,但聽人講,減肥要做30分鐘以上帶氧運動先至有效,所以後來頂硬上跑到兩個圈,之後跑左兩次就無再跑lu。

到左2014年,睇見Facebook上好多人都有報澳門銀河馬拉松,心血來潮之下突然想報個半馬黎挑戰下自己,就係咁,又再次跑返步啦。當時,跑過最遠ge距離只有7K,10K對我黎講已經係一個遙不可及ge距離,但係而家竟然報左半馬?究竟21K係一個咩概念?真係跑到ga?眼見只得兩個幾月時間練習,心有少少怯,到左10月尾先至跑到人生第一個10K距離,21K真係唔知點死!

報左半馬之後,係Facebook度發現認識多年ge一位朋友BabiEric (彩虹馬會長)原來係長跑愛好者。之後傾開計就開始請教佢點樣可以係兩個月內速成半馬。

有一次經佢同權兄鼓勵下,帶我勇闖大橋ge無人之境!哥次係我人生中第一次用腳踏上嘉樂庇大橋,感覺好正,原來澳門ge夜景都可以咁迷人!約跑哥陣時,好擔心咁同Eric講,我跑吾到咁遠ga,我未試過跑咁遠ga,大橋ge橋峰又斜,好怕捱吾到返黎!最後,我人生中第一個14K咁就比左Eric同權兄,真係估吾到自己可以完成到。如果無Eric同權兄係大橋回程時係咁係後面迫我比壓力我,恐怕都返吾到黎,為左唔好要佢地等(不過後來知道原來我跑ge速度對佢地黎講 …. 簡直就係蟻欄一樣,真係好多謝你地就住我黎跑,當時你地一定係忍腳忍得好辛苦😌),唯有頂硬上,幾辛苦都無停下來,跑到AIA Tower時,其實已經唔係好頂得順,Eric都有不時問我O吾OK?但眼見就到終點,我梗係死都話OK啦,其實當時已無力到想死!第一次長課,真係感謝你兩位帥哥,可以話係你地帶我開始進入長跑之路!無哥日ge 14K , 我都吾敢相信自己可以跑到21K !

第一個14k
第一個14k

到左銀河馬拉松開跑ge日子,因訓練不足,練左兩次長課就走左上去跑半馬,所以係幾吃力ge情況下完成,成績一般2:19係指定時間內完成。完賽後感覺到自己應該可以跑得更好,於是係第一次半馬後同自己講,2015年目標係挑戰多次半馬,sub 2完成!

Um…到左2015年,休息左大半年無跑過步,平時習慣獨自跑步ge我,10月初時係Facebook上睇到一個跑團,叫做彩虹馬,久唔久就會有一d團跑活動。當時睇到佢地一大班人跑步好似好開心咁,於是就一直有留意下,有一日有位叫做Joe Ung ge人Inbox我,問我有無興趣一齊跑步。對於跑步無咩研究ge我,同Joe私訊交流左一輪後(講下我d hea跑亂跑歷程😂),又令我對跑步重拾返興趣,又開始練習備戰半馬!

小威威如何踏上長跑征途 3直到10月中時,Joe係女生跑步群內急召一位女生代跑澳門金沙遠足30K , 乜都鐘意試ge我,因未跑過山路,聽落好似好有挑戰性咁,於是就一口答應參加!但當答應左之後就開始擔心,搞到賽前一個星期好忐忑,覺得自己玩大左😱因為我已有大半年無跑步,練習都只係得10K貨仔, 同埋仲有好多朋友都話我無乜可能會完成到👊🏻, 經多人打擊後所以都有d劣劣地,好怕完成唔到,累到大家完唔到賽! 雖然哥30K山路真係捱得好辛苦,但總算安全順利完成。係呢次山路賽入面,深深感受到團隊ge威力,多得隊友間互相鼓勵同扶持先至能夠完成!(Joe 當時我好記得你同我講ge一句說話,你跑過左21K之後,每一步都係破緊紀錄!就係你呢句說話,我頂到返終點!)就係呢30K,埋下左上全馬ge伏線!

金沙遠足30K後,都無乜點練習過,諗住銀馬到時食老本就完賽,自知2015年銀馬兌現吾到2014年許下sub2完成ge承諾。 於是 …..

待續 …….

2015銀河半馬
2015銀河半馬

Rainbow Marathon 彩虹馬 Facebook群組

更多:
Fitz.hk Facebook專頁
渣馬系列.次關—香港馬拉松
尋找最後的一塊拼圖
Fitz Running 跑步


文章為作者意見,不代表Fitz立場。
歡迎投稿: http://fitz.hk/contribute/
首頁 > 運動 Sports > 跑步 Running > 小威威如何踏上長跑征途 (香港渣馬前傳)