追求跑手的20個心理準備

即係咁，與跑友邊跑邊傾計之時，往往講到屋企嗰位仁兄仁姐，會對於跑步嘅人有乜乜乜嘅投訴。幾經思考，發覺倒番轉頭諗，如果有人要追求一位跑友，又應該要做出咩心理準備？

1. 生日禮物唔使點諗，不過咪以為唔使買金銀珠寶就可以慳一筆，當最新款跑鞋閒閒地過千，一隻跑步錶要成三千蚊，你就唔好以為可以保得住個銀包。
2. 放工預咗食自己啦。跑手唔係要跟操就係自己練習，邊有時間同你食飯？
3. 假期唔會有人陪你，要練長課，你最多都係負責接送。
4. 去旅行，去到盡？跑手梗係順道報埋名比賽啦。山長水遠去到他方，唔睇名勝古跡 (要留腳力呀)，唔會周街食嘢 (要清淡)。比賽日仲要喺路邊企足半日，打氣影相……
5. 香港比賽日：未天光同佢一起身、送佢去起點、人肉儲物櫃、沿途打氣影相、終點遞水遞衫……… 你會覺得辛苦過返工。
6. (只限女生) Sport Bra係唔易除：有跑友嘅男友話咁樣少咗好多樂趣喎。至於呢位女跑友嘅回應係：「關我咩事喎。」
7. 兩個人最浪漫嘅一刻，或者係你每晚幫佢按摩。
8. 跑手嘅跑Tee會佔據大家嘅衣櫃
9. 屋企嘅洗衣機會經常操勞過度
10. 你要忍容佢嗰對又成日生水泡，又成日黑甲嘅臭腳
11. 你要被逼同佢去跑下步。(雖然大多數會中途而廢)
12. 當然，有時候兩個人一齊跑步，都可以好浪漫。
13. 你開始有時間煲劇，因為佢要練長課
14. 周末嘅朝早，佢嘅鬧鐘成日嘈醒你。
15. 你第日周屋都會係水樽、跑Tee、腰包、跑鞋、襪……
16. 跑手要注意飲食，你唔會有咩機會同佢食麻辣火鍋
17. 但係你又幾enjoy喺比賽後同佢哋班跑友慶祝。
18. 佢會成日著跑步服裝，好少著裙
19. 但好彩，而家興著compression，當堂加晒分。
20. 佢無論跑得叻唔叻，佢對跑步嘅堅持，足以令你自豪。

從另一個角度諗，跑手或者會畀到好多驚喜你。呢位英國跑友，就係用GPS畫圖，向女伴求婚成功。

參考資料：active.com

更多：
Fitz.hk Facebook專頁
男人跑步令女生動情?
[浪漫之選] 踩單車去下白泥睇日落
[潮文共享] 騎行女生做女友的7大好處
Fitz Running 跑步