我的渣馬系列

曼谷渣馬

8月初，與家人曼谷旅遊時，在一商場內發現有馬拉松推廣活動，身為馬拉松愛好者，當然走去睇下，原來是曼谷渣打馬拉松宣傳活動，有贊助商提供小食、飲品，仲有當地歌手表演。

與家人滙合後，以一個試探型式同太太講：

「呀，乜原來曼谷都有馬拉松比賽喎？」
「咁熱點跑呀？」

我見有回音，即時話：

「章程好似係11月中，應該無咁熱」(編按：曼谷渣馬於11月15日舉行)
「你有假咩？兩兄弟唔係考試週的話，可以考慮一下⋯」

渣馬系列的大門，已經偷偷地打開了

回到酒店，已即時上校網睇年歷，不是考試週，只待回到家再詢問多一次就可以報名
回澳後，再次問太太意見後，可以報名了

估唔到，原本諗住香港渣馬係我渣馬系列的第一場，竟然被曼谷渣馬搶閘，天意

相對於香港渣馬報名之激烈，曼谷渣馬好輕鬆，慢慢填完資料之後，交錢搞掂
報咗名，訂好機票，才施施然睇下比賽內容、路線，呢個時候先發現，比賽開跑時間，竟然係當地時間凌晨二時！

即港澳地區時間凌晨三時！

中伏！
點解無留意比賽時間！

到達曼谷時間係星期六下午16:00左右

比賽就星期日凌晨兩點！

地獄賽程呀！

不過，既然已經上船了，唯有照去，呢一刻突然諗起：
今年曼谷渣馬，明年香港渣馬⋯
有無可能完成全球渣馬系列呢？

呢粒可怕的種子，已經在悄悄地種下了⋯⋯

目前全球渣打馬拉松賽事地點：

1. 孟買渣打馬拉松
2. 杜拜渣打馬拉松
3. 馬來西亞吉隆坡馬拉松
4. 肯亞奈洛比渣打馬拉松
5. 曼谷渣打馬拉松
6. 史坦利港渣打馬拉松
7. 英國澤西渣打馬拉松
8. 新加坡渣打馬拉松
9. 香港渣打馬拉松
10. 臺北渣打馬拉松

更多：
Fitz.hk Facebook專頁
澳門銀河半馬前哨戰
去台北跑渣馬
[email protected]