街馬@九龍東跑手包街馬@九龍東今個星期日就到,相信大家都已經攞咗跑手包啦!講真嗰句,打開嗰陣真係有驚喜,設計得意盞鬼之餘,啲印刷品一摸上手就知係有心之作,唔怪得佢越搞越大,今年仲第一次主辦半馬賽事啦!

街馬@九龍東

唔知大家係咪同我一樣,參加渣馬同街馬嘅心情非常唔同,跑渣馬嘅感覺係,我一定要衝到好時間,反而街馬就無乜諗要表現成點,盡情have fun就係最大目標!之不過咁,既然兩個賽事咁近,難免會有比較。首先件大會tee,雖然兩件都係大陸品牌出品(渣馬係特步,街馬係李寧),但係街馬呢件明顯質地較好,摸上手比較舒服。設計就見仁見智啦,我都覺得幾得意嘅,好過渣馬嗰件先,街馬1:0

街馬@九龍東跑手包街馬其中一個好玩之處,就係可以自訂號碼布上面嘅稱號。小女子叫咩就唔好提喇,反而好期待比賽當日會見到啲乜,會唔會有近期熱爆嘅「D7689」呢?呢個位無理由唔係街馬贏,2:0

街馬@九龍東跑手包最後不得不講埋個獎牌,點解10公里嗰個會咁得意架?早知我唔報半馬啦!唉,不過算啦,半馬有得跑第一次開放俾賽事嘅觀塘繞道,都算有特別意義,據聞街馬今年內會喺中西區再搞一次,到時我一定會報返10公里!點都好,街馬完勝渣馬3:0,期待星期日落場跑跑跑!