1月17日
我地今日啟程飛落集合城市 Punta Arenas 啦!但係我呢幾日明明用左好多洗頭水、丟左件衫同揹左d脫水飯響背囊, 個o急竟然仲重過香港飛嚟嗰陣嘅?

好彩航空公司比我過啫 XD

(按:智利南部港口 Punta Arenas 為進入南極的門戶城市,約1400公里)

1月18日
禾地終於嚟到 Punta Arenas啦! Yeah

1月19日
嚟到 Punta Arenas,我地實行儉樸式旅程唔住酒店住 hostel,一方面節省旅費,另一方面都體驗下當地嘅風味。 Hostel職員唔識英文,大部份時間都係指手劃腳,有時要用 google translate; 大家明白對方意思後就好滿足咁哈哈大笑一餐。早餐亦都好家庭式,但都相當好味。其實快樂,可以好簡單。唔需要好高嘅物質享受,只要知足常樂, 常存感恩,珍惜身邊嘅每一個點滴,生活就可以成日都咁開心。

今日聽左大會 briefing,一切準備就緒。

初會 Race director Richard Danovan,佢仲親自嚟到我地 hostel做 gear check; 大會仍要求我地租用認為必需嘅裝備,跟住巧遇部份 7 days 7 continents嘅參加者;佢地同我地同一班機飛落嚟 Punta Arenas,我地都互相認得對方; 唔通跑者真係有樣睇嘅??XD

Race director Richard Donovan
Gear Check
每位選手都有張 boarding pass咖
同租用gears嘅職員合照,佢地都好nice同sweet
7 days 7 continents嘅參加者, 佢地 4 年前都跑過 100km,分享左好多經驗比我地聽。



今屆參賽名單

連結: 2017 Antarctic Ice Marathon & 100k

小偉與Jennifer張思縈今次壯舉,亦同時為「撒瑪利亞防止自殺會」籌款,藉以宣揚「跨越困難、飛越夢想」之精神,鼓勵逆境自強,創建美麗人生。

籌款專頁: charitable choice

南極100公里超級馬拉松比賽Facebook專頁

Gary Leung – 視障跑手 Facebook 專頁

分享
張思縈

任職社工,從事戒毒服務已有十八年, 也是一名運動愛好者、旅者以及攝影人; 喜歡嘗試新事物,並相信透過參與、實踐更能體驗人生。於 2015 年遠赴北極參加馬拉松,希望以克服極地環境之挑戰,宣揚「走出局限,奔向夢想」之康復訊息,鼓勵康復群體抱緊信念,努力跨越康復道路上所經歷之障礙,堅守康復方向,繼續追求人生所訂立之目標。