比賽日的10件蝦碌事踏入九月,香港跑季正式開鑼,咪以為參賽經驗多就唔會發生蝦碌事。competitor.com訪問咗十位長跑運動員,佢哋發生過蝦碌嘢,唔少仲係一失足成千古恨。

1. 無帶號碼布及晶片:
練得咁辛苦,點知去到現場先至唔記得帶布!返屋企拎?定係照去跑放棄個官方成績?(有啲比賽連起跑線都唔你入)簡直係人生交叉點。仲有係,記得帶埋扣針呀。

啱啱睇跑group,發現有跑友喺剛剛完成嘅中環@街馬,竟然無帶號碼布......
啱啱睇跑group,發現有跑友喺剛剛完成嘅街馬@中環,竟然無帶號碼布……
賽跑日10件蝦碌事3333
無帶扣針,咪就要搞到咁…

2. 起跑先至嚟內急:
一場比賽閒閒地都一千幾百人參加,臨起跑先發覺自己有人三急,到時排隊去廁所都未必趕得切。年年渣馬,有唔少人未過西隧,就已經要排隊去廁所,有人仲要搞到就地解決添。

北京馬拉松最經典鏡頭。
北京馬拉松最經典鏡頭。

3. 跌太陽鏡落廁所:
呢件蝦碌事竟然打入十大。據講正正係田為大家太急於去廁所解決,結果太陽眼鏡、手機等隨身物品,一個唔留神就失落廁所。損失嘅並唔係財物,最大影響肯定係賽跑時嘅心情。

跑緊時去廁所,跌嘢事少,影響心情事大。
跑緊時去廁所,跌嘢事少,影響心情事大。

4. 手錶無電無訊號:
時下啲GPS手錶未必可以頂到一場馬拉松比賽,比賽前記得試清楚佢嘅續航能力有幾強,更加記得之前一晚要叉足電。而起跑前,亦早啲連接好衛星訊號。

賽跑日10件蝦碌事04

5. 無帶短褲:
呢個係competitor.com總編輯私人提供。佢話有朋友去到現場換衫,先發現自己無帶跑褲,結果要將長褲剪短出賽。其實唔單止跑褲,跑衫、跑襪,甚至跑鞋都要早一晚準備好啦。嗱,跑步群組嘅朋友好鍾意早一日將全身裝備影低,果然有先見之明!

賽跑日10件蝦碌事05

6. 無巴士搭:
話說佛羅里達州一項跑森林嘅比賽,有1700人報名,但主協單位只係安排咗1000人嘅巴士,結果搞到要將比賽取消。呢件事雖然唔會喺香港發生,但係可以提醒我哋,比賽前了解一下到達嘅交通工具。臨出發先發現無車到,call Uber都未必call得切啦。

賽跑日10件蝦碌事06

7. 遺失行李:
去海外比賽嘅跑手留意。機場唔見行李時有所聞,所以最穩陣方法,就係將比賽用嘅物資裝備跟身上機。萬一唔見行李,都可以繼續參加比賽。

賽跑日10件蝦碌事07

8. 蕩失路:
無論幾富經驗嘅老手,都唔會場場比賽都參加過。所以,比賽前點都要認識一下賽道。而比賽嘅大會亦未必有清晰嘅指示。萬事靠自己,跑錯路真係恨錯難返呀。

台灣嘅馬拉松告示牌,真係唔容易睇。
台灣嘅馬拉松告示牌,真係唔容易睇。

9. 扯斷earphone:
一跑到廿幾三十公里,身上嘅裝備甩下甩絕不為奇。其中最常見係,跑手跑下跑下,會將有線耳機一嘢扯斷!好彩而家有藍芽耳機,呢個問題可以避免。不過隨身裝備就真係要諗辦法收好。有人試過跑跑下腰包啲engery gel爆開晒,要一路跑一路搵水沖身。

賽跑日10件蝦碌事09

10. 跑到賴?
唔係啩,咁都得?我真係孤陋寡聞。

competitor.com話有人舉呢個牌,我就真係唔信有人跑到賴。 Photo: Bestracesigns.wordpress.com
competitor.com話有人舉呢個牌,跑到賴喎……
Photo: Bestracesigns.wordpress.com

更多:
Fitz.hk Facebook專頁
跑友最愛分享的10種相片
[跑友中伏記] 聽人講不如信自己
Fitz Running 跑步


文章為作者意見,不代表Fitz立場。

歡迎投稿: http://fitz.hk/contribute/

Sophia
平日打字多過行路,鍾意鍵盤多過跑鞋。成為跑手,全因古語有云:「女仔唔跑邊會靚?」