[波士頓馬拉松] 不完美中見完美的波馬

一行五人

2018年4月16日，遇上122年來最惡劣天氣，4度氣温，體感-4度，全程中雨至大雨，35mph既風速，好多人問︰你是怎樣完成的? 趁我宜家仲未老人痴呆之前，係度嘗試省略10,000字同大家分享一下。

波士頓係我既第7隻全馬，7係聖經中係代表完美既數字，同行仲有三個死黨由香港經首爾轉飛紐約，再匯合另一個住係紐約既死黨，一行五人開車到波士頓。到波士頓之前天氣一直都係我最擔心既事，雨戰不嬲都係我弱項，我係落雨就冇心機跑既人，仲要加上低溫，兩樣野分開黎講我都算有經驗，但兩樣野一齊仲要大風，真係嘿嘿嘿.. 同只有祈禱~~

Pre Race Dinner 遇上75歲跑者

----- 廣告 Ad -----

比賽前兩日係 Expo 遇到好多其他選手，吹下水，大家都係度講個日天氣咁點算，我就講: It will be memorable, but we need miracle. 時時刻刻係咁 check 住天氣，只能講︰沒有最差，只有更差，嘿嘿~~

出發前準到死的天氣預報 (nightmare~~)

Race Day，奇蹟當然沒有發生，知道唯有靠自己嘅準備 (但我死人都要著我新買個件背心，咁多衫唔著)，重點在靈機一觸所帶，諗住唔要既 UNIQLO 羽絨背心。由集合點直到去選手村，我都覺得自己仲係暖既，但過左成個幾鐘去到排隊出發，身體開始降溫，出發後去到12, 13K，突然有一種暈眩既感覺，心諗︰唔係呀馬，暈左就真係意志幾強都冇用，好彩有包提神既Gel，食左就冇事了；成程好多時都係大雨，又大風，面部凍到冇知覺，水係越飲越凍，中間有覺得辛苦到喊左出黎，真係好想退賽，但我竟然諗起下面個幾樣野一直支持我既鬥志，嘿嘿~

1. 我有四個死黨飄洋過省咁黎同我一路打氣，點可以冇完成牌同佢地影相架，仲同左佢地講我四個鐘頭內會返到去。
2. 我收左屋企人既巨額贊助，完成唔到點交代 (即係冇下次)。
3. 我今次特登黎呢度跑，完成唔到咁來做乜。
4. 100K我都捱得過，點可能會比42K難到。
5. 仲有好多同我打氣既人，特別係諗起叫我EE好好聽，2歳人仔既Clayton，之後去到 New York 我要比完成牌比佢睇，同佢玩同影相架嘛。
6. 仲有同我地同步係澳門跑既 Run Plus 跑友，我感覺到我地一齊跑緊。

就係咁樣過左3小時52分返到終點，叫左一句: I did it!!! 咁既情況下，對我黎講已經係好好既時間，最後我沒有放棄我既 UNIQLO 背心，因為實在凍到一滴汗都冇出過，最後個10K我連水都唔再飲，淨食GEL，真係有少少渴就飲雨水好過。

完成後第一時間匯合我既強大支援，真係凍到冇諗過要影相，就係得呢張，但好有意境～～

今次強烈地感覺到唔係我一個人既力量去完成，真係有其他人既 support 先可以堅持到。有好多人同我講你好叻，今次我認，因為我有一班好叻好勁既 supporters。

一個咁完美既結局，唔會再有第二次，所以這是屬於我完美的波馬~~

垥下垥下慶下功

食飽終於有時間影相

由波士頓玩到紐約

Fitz 文章連結: https://fitz.hk/?p=92893