激辯 – 馬拉松

有人要為毅行找數，條數唔易找，因為條蛋散要完走一個馬拉松，雖然無話幾時。我即時反應係呆L咗，幾廿歲，搵啲咁嘅嘢攪，我即刻call 佢出來，打算勸退佢。想當年愛迪生話跑渣馬時，他身邊損友無個贊成，個個撥冷水。(可以在YouTube 重溫 Nike running: Nomad run，一班蒲精鳩吹馬拉松，超正呀喂!)

以下是我跟條蛋散的真實對白，我想當初你決定跑馬仔時，都因為家人同身邊朋友用「關心」去包裝的「質疑」而經歷了一番內心爭扎。所以，奇蹟不是你能夠完成，而是當初你有勇氣開始，堅持訓練同沒有放棄。

“The miracle isn’t that I finished. The miracle is that I had the courage to start.”― John Bingham，No Need for Speed: A Beginner’s Guide to the Joy of Running

BTW，條蛋散叫Eric，咪Fitz果個囉。

我：「你癲夠未！我都唔明你跑來做乜？」

Eric：「陳伯，找數嘅嘢，你呢個年紀唔明我地啲後生點諗架嘞，我亦唔需要你明。佢為咩去行毅行？佢冇剪帶呀，佢做到佢想做嘅架。」

我：「咁你又為乜呀？」

Eric：「我完成毅行嘅時候，以為啲脂肪唔再係我架，原來啲脂肪係好黐人嘅，我唯一做到嘅，都比我自己出賣埋啊！」

我：「我同你講呀，跑馬仔唔係講玩架，DNF笑死人架。」

Eric：「我件Armani size 46廿幾年來一次都無著過呀，我唔想到做新郎哥時，連一張值得紀念嘅穿著修身tux 的結婚相都無啊！」

我：「我驚你步我後塵呀。」

Eric：「我仲有嘢驚咩？唔緊要啦，跑馬仔有分輸嬴咩? 啲嘢講咗出來，都收唔到返離咯！其實我同你一樣咋嘛，都係想為自己，做返一件事唧！」

不過，每次係我起步的時候，我都會同自己講，我做得到嘅縮，你就輸一世你企得係起點，就唔好怯，一於終點見跑比賽不太難，最難是嗱嗱淋報名練跑之外，又要做core fitness (核心肌肉訓練)﹑做strength training(體能)﹑同拉筋、有時仲加餸做circuit training，唔使返工咩?每次練完intervals，tempo run，LSD，我都攰到想死