Fitz > 運動 Sports > 跑步 Running > 第25屆渣打香港馬拉松 | $10,000獎金唔係咁易攞,留意馬拉松參賽資格

2023年2月12日舉行的渣打香港馬拉松,日前公佈比賽詳情,名額25,000人。不過有跑友發現,馬拉松的參賽資格有一項條款並不容易達到,有人更話「連香港越野一哥黃浩聰都未必可以參加」。

呢個咁難達成嘅條款見於「參賽資格」第二項:

「參賽者必須於2021年1月1日至2022年10月31日期間,參加及完成渣打香港馬拉松或任何本地/海外(十公里或以上距離)賽事最少一次。參賽者必須於報名表上如實填報有關成績。」

點解話呢個資格咁難取得? 原因係:

  1. 有網友致電查詢,大會表示只接受呢兩年實體賽事嘅成績,Virtual run (虛擬跑) 不被接納
  2. 只接受由 AIMS (國際馬拉松暨長跑協會) 或 WA (國際田徑聯會) 舉辦之賽事成績,山賽不被接納。

疫情之下,呢兩年香港成功舉行嘅實體賽事少之又少,部份更只限受邀選手參加,加上移民等因素,最後有幾多馬拉松跑手可以落場,值得留意。


文章為作者意見,不代表Fitz立場。
歡迎投稿: http://fitz.hk/contribute/