比賽贊助商 對參加者真係好緊要f
如果呢個係銀行,或者係金融集團嘅招牌,你會唔會企埋去影相?     (Photo: Asics Facebook Page, SupeRunit)

金SIR話,好嘅比賽會令參加者帶來難忘回憶。這個跑季參加了幾場賽事,而剛去星期日的Asics 10K賽,我相信算係金SIR所講嘅「好比賽」。

朋友聽到我咁講,第一個反應就係:「你要讚田總?」咁個比賽搞得好,又未必完全只係關主辦單位事嘅……

呢場10K賽,令我最滿意嘅地方,可以話係:

  1. 由進場、儲物、熱身、去廁所,以至上線起步,絲毫沒有無何阻濟;
  2. 賽道寬闊,規劃良好,夠位爬頭,要收慢亦阻唔到人;
  3. 水站唔多,但及時;
  4. 跑完,拎水飲,取行李,離場走人,可迅速完成。
  5. 你要留喺度影相,玩遊戲都得,悉隨尊便。

當然,比賽地點天水圍濕地公園,完全有足夠地方令人不覺擠擁。但值得注意係,主辦大會以及贊助商,識得咩係過猶不及。除咗對參賽者必要嘅儲物、廁所、飲水等設備,就只有贊助的幾個影相及遊戲攤位,而呢影相同遊戲,你鍾意玩就得,唔玩可以匆匆走過,唔會阻到你。

天水圍地方廣闊,參加者唔覺逼。
天水圍地方廣闊,參加者唔覺逼。   (Photo: Asics Facebook Page)

而最重要係,大多數參賽者對於贊助商嘅品牌亦唔抗拒,佢哋會樂於喺Asics嘅大標誌影下相,而介紹跑鞋攤位更是人頭湧湧。我就算比賽完出番屯門,亦見到唔少參加者去指定波鞋舖,即刻買佢哋嘅跑鞋(比賽日憑號碼布有折頭)。


呢個,咪就係品牌嘅忠誠囉。

如果一個活動,係由一個大家都接受嘅品牌主辦,自自然然會吸納佢嘅愛好者參加。比賽日舉目所見,超過一半選手都係著Asics。咁呢個活動,就已經成功咗一半嘞。

諗番起今年參加過嘅幾場比賽,有送個頭飾要你扮動物,有個要穿過樂隊表演先可以拎行李,咁呢場10K賽,就真係做到無多餘嘅嘢,令人跑得開心。

更多:
Fitz.hk Facebook專頁
[圖騰跑] 我中途退出了,因為……
香港長跑行山比賽
國際大型長跑賽事
Fitz Hiking行山

廣告
家聯
為何要運動?去公園看看那些四五歲的小朋友,從跑跑跳跳所得來的喜悅吧!勿忘初衷,運動會令人快樂,難道我們都忘記嗎?