[超實用] 旅遊保險唔保參加馬拉松

更新日期:2017.10.23

有保險已推出保障業餘馬拉松、登山活動等「高危活動」之旅遊保險,詳情可到此參考

出國跑海馬,唔知要練跑,仲要有更多嘅準備。
出國跑海外馬,唔只要練跑,仲要有更多嘅準備。

越來越多人遠赴海外參加馬拉松比賽,有跑友就遇到問題,話「旅遊保險唔保參加馬拉松」

我哋隨即向幾位持牌嘅保險顧問查詢,究竟事實係點?


旅遊保險保障啲乜?

  1. 財物損失:即係話喺旅遊期間唔見嘢、被盜竊,或者係身上物品因意外而損壞,都可以得到賠償。
  2. 行程延誤:通常都係飛機航班延誤(因天氣、航班取消),而影響行程。
  3. 海外醫療:因意外而要入醫院,有啲旅遊保險更有保埋你喺旅行時染病,睇門診嘅費用。

保險公司對於旅遊保險,絕大多數都會例出一大堆免責條款,即係話有好多情況,保險係唔會適用。最明顯例子就係打仗、戰爭,或者遇上恐佈襲擊,同埋參加極限運動或危險活動。譬如話,你參加激流划艇,而中途整壞咗個相機,保險公司就有權唔保嘞。而你去攀石而跌傷,亦唔會得到保障。

而所謂「保險唔保跑馬拉松」,就係有旅遊保險喺免責條款裏面,例出一項叫「參加競賽活動」。

「參加競賽活動」其實亦見於部份嘅意外保險。唔好講參加六大馬拉松比賽,就算學校嘅運動會,有啲意外保險都係會唔保嘅 。

旅遊保險唔保跑馬拉松04

旅遊保險唔保跑馬拉松07
只保非職業同非競技(non-professional and non-competition),即係唔保參加馬拉松比賽。

咁咪好似好無保障?你可以咁講。不過正所謂「有求必定有供」,所以有啲保險已將條例定得無咁緊,而喺「競賽活動」之下,加多兩字,變成「參加專業競賽活動」。即係你本身唔係專業運動員(呢樣嘢好易證明),而去外國參加馬拉松比賽,亦可以買到旅遊保險嘞!(注意,大家買保險時只係要睇到單張列出嘅「主要『承保/不承保』項目」,咁有無咩唔係主要,但係又關你事呢?真係要買之前當面問下保險公司)

不過有保險顧問提醒,跑馬拉松最需要保險都係遇上意外,要睇醫生。而一般旅遊保險提供嘅醫療險障未必好高,所以反而了解自己份意外保險,有無「參加競賽活動」呢一類條款,就更加重要。而跑友如果有份適合嘅意外保險,平時喺香港跑馬仔都有保障。

大家跑海外馬,唔係剩係留意賽會嘅時間限制,仲要留意保險條款。

旅遊保險唔保跑馬拉松01
呢個寫法(保障一般業餘及消閒活動),真係要向保險公司查詢。
旅遊保險唔保跑馬拉松02
呢份講明唔保職業體育活動,照道理你業餘去跑馬拉松都會有保障。

更多:
Fitz.hk Facebook專頁
香港長跑行山比賽
Fitz Running 跑步

廣告
家聯
為何要運動?去公園看看那些四五歲的小朋友,從跑跑跳跳所得來的喜悅吧!勿忘初衷,運動會令人快樂,難道我們都忘記嗎?