通勤跑不是夢

由

2017-08-25

德國有人因為不想再受塞車之苦，開始通勤游。而我預料通勤跑將會在香港會越來越普遍，因為有機構正積極推動。

邊間? 咪「唔好意思，成日阻L著你返工」個間地產發展商囉。

標點符號的精妙

其實雲海的貼圖早已露端倪，找到亮點沒有?

有『笑無能』認真理性L香港人留言，有什麼好笑，難道你們不懂「x」代表 cross over 嗎? 救命! 咁無SOH，返火星吧啦，地球唔啱你住。

要 read between the lines 同加標點符號，你就明白港鐵本來要你『含隱』、大惑不解的意思。

港鐵話『18區都會故障，跑啦! 你班仆街，少啲投訴。年年加價我敢，咁L唔滿意就跑。』

面對港鐵9日5故障，市民的反應很兩極，部分市民不當一回事，因虐待早已成習慣，只要喺車廂和月台有得玩手機，上 Facebook，send WhatsApp，煲劇，3﹑4個鐘問題不大。我曾被困車內粒幾鐘，火都嚟時，環顧四周，各人自顧自玩手機，見我暴跳如雷時會俾個「急乜L嘢唧?」的不屑表情。

另一個極端是歇斯底里，正如《火爆恤衫男遇壞車 Interview 遲到，瘋狂大鬧港鐵職員：垃L圾!》片中主角一樣。

「鬧港鐵職員架車會開得返咩!」
「明知見工，點解唔早啲出門口?」
「咁趕，下次打飛機嘛。」(da是「搭」字的普通話拼音) 搭飛機嘛
「打份工啫，使唔使咁樣鬧人。」

睇留言就看得出大家都在扮演 armchair economist，建議十分正確但『堅離地』兼且一點用處也沒有。片中兩位我都同情，但我傾向對恤衫男釋出多一點同理心。

無錯鬧港鐵職員不會令架車會開得返，但可以引起港鐵高層關注，如果馬主席體恤和關心前線員工的話。

「明知見工，點解唔早啲出門口?」你又知佢沒有提早到，從他的表現，看得出他十分重視這個面試機會，好大可能已預早出門口，不幸遇上港鐵故障，才會失控。早啲，提早一日好唔好?

搭什麼交通工具都好，我們只有一個卑微的要求，安全、可靠、準時。

若果恤衫男已經失業一段時間，而這個 interview 是近來唯一一個，機會溜走了。睇嚟有工返個個都要發揮大愛精神，受下靶。Having said that，香港有邊份工是不用俾人X呢?

好希望港鐵可以讚揚片中那位 EQ 高過愛因斯坦的員工和約恤衫男去見工，取錄的話，一定要放他喺同一個月台工作，等佢受返哂啲垃L圾。

係有得揀，跑返工其實唔難

曾經有蘋果記者見到我寫通勤跑，透過 messenger 聯絡我，問我可否介紹有通勤跑習慣的跑友給他做訪問。店長就人人都知，已經寫到爛，於是我介紹我傾慕的 Sam哥畀佢，Sam 哥是跑步舍師兄，東馬sub-4，渣馬330 (見《由車公廟跑到觀塘以自己方式返工》)。

一於大家一起用腳來投票。