[郁民教室] 起步前要先降溫 1睇天文台嘅天氣預測,見到個熱到溶嘅公仔之外,亦睇到日日最高氣溫去到成33、34度,真係情何以堪!天氣熱去跑步,唔單只影響表現,仲隨時會中暑、缺水。以下呢7個預備工夫,可以減輕酷熱天氣對大家嘅影響:

[郁民教室] 抵抗酷熱練跑7招方法一:起步前要先降溫
有研究話,起步前為身體降溫,其實對於喺炎熱之下鍛練並無明顯幫助。不過,喺心理上,相信對唔少人都有幫助。大家可以試下喺起跑前先沖個凍水涼,話唔定可以幫助你適應炎熱環境。

方法二:注意衣著
衣物以快乾、排汗為首要要求。出汗反而可保持體溫唔會過高。

方法三:改變訓練時間
一係早啲,太陽無咁曬時出動;一係夜晚,等太陽落山。總之,避開熱辣辣嘅太陽,無咗太陽嘅煎熬,點都會涼快啲。

方法四:飲水飲水飲水
身體缺水會減輕調節體溫嘅能力。天氣熱唔熱都要飲水,而天熱更加要飲多啲水。

[郁民教室] 抵抗酷熱練跑7招 2方法五:跑慢啲
天氣熱絕對會加重心肺嘅負荷,呢個情況下,未必要再加強鍛練強度。跑慢啲,等身體真正適應呢類天氣先再計劃加強訓練啦。

方法六:提早適應
其實應該喺春天時,已開始適應高溫天氣嘅訓練。不過,而家香港嘅春天已越嚟越短,大家只係唯有硬食暑天囉。

方法七:唔好搏
留意自己身體嘅反應,特別係頭昏、全身無力、口乾,都係中暑前嘅徵狀。總之一覺得唔妥,就即刻停止訓練,飲水,以及令身體降溫。

「烈陽神功」唔係人人啱練,一句到尾,注意自己身體狀況,做任何事都無需要用健康以至性命做賭注。

資料來源:Competitor.com

更多:
Fitz.hk Facebook專頁
[炎夏推介] 行山跑步至醒神補品!
在月球上跑步會比較快嗎?
Fitz Running 跑步