之前都同大家計過,每年大概花3萬幾蚊在跑步裝備及比賽上,唔知大家返去有無自己又計下呢?今次同大家研究一下點樣可以慳錢。

Consumer Culture
消費主義社會透過不同的社交網絡平台,雜誌、電視廣告等不斷入侵我地的生活,在上網『碌』FB、IG時刺激我們的購買慾,加上現時工作壓力大,容易讓人透過消費來釋出胺多酚製造良好『自我感覺』去平衡工作壓力。

圖: 香港電台網頁

Self Awareness
個人覺得唔係樣樣都要新、勁、靚,輸人都唔好輸陣,因為我首先認識我自己能力和時間有限,就算再努力都唔會做到『最勁』,唔會同『靚』拉上關係,『新』唔一定好,如果我唔開心就算我如何打扮都唔會開心。

因為 Happiness is from inside, not outside

唔少信貸廣告就係抓住這一點,等大家借咗錢消費咗買咗『開心』再慢慢還錢,但我們究竟是否需要買『開心』呢?

Start with Why
人的慾念無限,多D大D好D靚D,但我地好似從來都無問過『點解』。

如果問朋友點解要買鞋,通常只得到『靚囉』、『人地話好著』之類的簡單答案,如果試下問自己,好多時就會變成魔鬼同天使的鬥爭:

天使:點解要買鞋?
魔鬼:因為我想買鞋。
天使:點解想買鞋?
魔鬼:因為想買嘢開心。
天使:點解想買嘢開心?
魔鬼:因為我唔開心。

非常女人的答案,開心買鞋,唔開心買鞋,但其實好多人屋企都有好多鞋,唔係有需要,亦都未必同跑步有關,所以我地做每件事前要先知道究竟點解我地要咁做,是否合乎自己的原則或預算。

圖: 消委會

成就他人
年中開倉或上網買埋唔少新衫褲,當中唔多唔少總有一兩件係買到返黎唔啱著或者同預期的心水款式唔啱,如果唔介意的話可以同跑友交換,轉售,甚至送贈 (e.g. 跑Tee共享);用唔著都唔好嘥,現時大多數的快乾物料都是塑膠,被當成垃圾送到堆田區,相信有生之年都未必可分解到。

鞋履方面贊成比賽鞋要合腳,俾到信心,但如果無要求特定牌子或款式,買訓練鞋可以到特賣場碰運氣,消委會報告曾指出一對幾百蚊的平價鞋功能比起上千元的貴價鞋更好。

現時GPS科技先進,近年又無乜大突破,加上 Top of Line的錶防水防撞又可以潛水,相信如果正常使用,都好難會整壞;仲要係USB充電,唔需要擔心成日要攞去換電,如果身邊有追款的朋友,大可以同佢地低價收購舊款的GPS錶;如果你知道朋友有需要,請將你放在櫃桶內無用的錶轉贈。

好多人可能唔覺得太陽眼鏡係跑步需要的裝備之一,但從醫學角度看,長期身處戶外接觸紫外光會增加患上白內障的風險, 起碼帶頂鴨舌帽或太陽帽遮擋一下直射的光線保護自己;如果你家有多副閒置的太陽鏡,而你又愛你的跑友們,請贈送給他們,十到三十年後他們會感激你對他/她們的好意。

Mindful Life
跑步圈中大家都經常互相『鼓勵』購物,大大力推動本土消費振興經濟。其實購物這回事絕無錯與對之分,只要大家知道自己的『WHY』,嘗試在作出決定前問自己三次,相信你會對自己的生活會有新體驗。

因為少了擁有的物件,我們不會有『選擇困難症』;因為少了擁有的物件,我們屋企會有更多空間;因為少了擁有的物件,我們可以做自己,不需要迎合別人;因為少了擁有的物件,我們可以活得更開心。

Wong Ho Fai Facebook 專頁



更多:
Fitz Facebook專頁
[黃浩輝@UMC] 跑步的使費 The Cost of Running (二) 時間成本
[黃浩輝@UMC] 跑步的使費 The Cost of Running (一)
[消委會報告] 選購緊身褲4大注意
你屬於「短褲流」定「壓力褲流」?
Fitz Running 跑步