你知道你是真．院友，當你……

星期六參加Fitathlon，其中一位作分享的資深跑手是四次BQ（Boston Qualifying），體育網台主持及Pose Method Running教練Viola。聽完之後，覺真．院友都有一些共同特徵。你又中了幾多個?

1. 穿compression 瞓覺，目的是加快recovery，而人哋就穿compression sock來美腿。
2. 年曆只有「跑季」和「休魚期」，沒有四季。而且「休魚期」越來越短。
3. 話: 「對Dickson 來講，Gel 是用來蠟頭的，令個look 唔好咁『柒』時。但對我來講，Gel是用來食的，令我有能量完走。」
4. 跑過相連馬，例如跑完京都馬拉松之後的一個禮拜，再跑東京馬拉松。
5. 計劃旅行時，你會先查目的地有沒有馬拉松比賽。
6. 聽到別人步行完成渣馬十公里，就話跑過馬拉松時。你好想打窒佢 (先打斷、再窒佢馬拉松是42.195公里)。
7. 有諗過成為教練。
8. 有諗過開一間像東京皇居附近的Runner Station 「Raffine」，提供院友們能夠盡情享受跑步的貼心服務的小店。
9. 知道有運動用品開倉時，你係興奮過知道姨媽傢私開倉。
10.  在運動用品開倉時, 你會在唔覺意的情形下，買了足夠一個水站用的power gel的數量。
11. 對power gel 或 GU gel 出的新口味感到雀躍，好想第一時間試一試。
12. 睇醫生時, 你問得最多的問題就係: 「醫生呀，我幾時可以跑返呢?」
13. 在公司裡放的零食是Granola bars。
14. 在公司的工作間貼上比賽的號碼布。
15. 為馬拉松訓練了廿個星期，但比賽前受了傷，仍堅持參加。在三十二公里時，深深體會到什麼是「堅持容易，放棄很難」。
16. 在三十二公里時，跑爆了。你堅持要爬返終點，都不想DNF。
17. [大吉利是講句] 有時腦裡會閃過「死在路上也不錯」的念頭。
18. 會跑去特別的地方慶生。
19. 覺得排隊等位的五分鐘係耐過跑步機上的三十分鐘。
20. 隻跑步錶十幾秒仲係度追緊星時，你會火都來埋。
21. 只會完走之後才會穿大會tee。
22. 有試過跑山時，有蟲飛入口，仲吞埋添。
23. 聽到你的心愛跑步playlist播放時，你會即時腳痕，好想走一轉。
24. 右手戴Garmin，左手戴Apple Watch，再開著Runkeeper，睇下它們之間的誤差。
25. 發覺屋企多了很多細扣針。
26. 中午寧願索K都唔跟同事飲茶。
27. 上一期Runner’s World都未睇完，你又買新的一期。
28. 家中tee恤十件裡頭有十一件都是賽事的大會tee。
29. 唔抗拒穿著厚厚的羽绒在Porta-Potties方便。
30. 出business trip時，除了passport外，你一定帶埋跑步裝備。
31. 在塞車時，你會話: 「跑步的話, 到咗九世啦！」
32. 跑了一個四十分鐘的十公里。發現原來你撳唔到個掣，隻Garmin無計到。 你會認為這一切都從無發生過。
33. 成個櫃桶都是完成牌或獎杯，都唔知道可以怎麼處置好。
34. 家裡的地布是用舊了的比賽的大會毛巾。
35. 不再笑大叔條厚典典的腰包，因為你條flipbelt都唔差很遠。
36. 跑步App的哩數多過你架車的哩數。
37. 識得串同準確讀出plantar fasciitis和知道它的中文名稱。
38. 可以清楚指出那裡是iliotibial band.
39. 被經常問的問題是「幾時有比賽呀?」同「準備緊什麼比賽?」
40. 最清楚邊到有七仔﹑飲水機和洗手間。
41. 每年開支預算都有一欄是海外「馬拉松」。
42. 跑步﹑行山用品店的sales叫得出你的名字。
43. 三個月，換一次跑鞋。
44. 開APP找新跑步路線多過睇openrice.
45. 電話book 按摩時，對方一聽你把聲，已經認出你。
46. 開心會跑，唔開心仲要跑……多啲。
47. Facebook profile相是比賽中槍相。
48. 長課距離通常長過返工距離。
49. Facebook常常被跑步洗版。
50. 有試過或打算cosplay跑。
51. 同非院友朋友好高興講最近終於negative split時，朋友唔明點解分手 (仲係分得好難睇個隻) 你竟然會咁開心。
52. 試過雨戰，練過烈陽，走過青公，玩過twin peaks﹑針草帽。
53. 已練到入水站飲水時，滴水不漏。
54. 你一些log in 用戶名稱或密碼都跟跑步和馬拉松有關。
55. 當你練長課時，被人爬頭。你即時會諗條友一定係剛剛起步先咁快。唔係的話，就一定係只跑一兩K, 先至會快放。
56. 知道從樓下去到邊度剛好是十公里 (任何方向都可以)。
57. 你鍾意馬拉松電影多過電影馬拉松。
58. 有七句你一聽到就會被辣㷫的跟跑步有關的『柒』問。
59. 試過隨街同係山度小便。
60. 生日同聖誕禮品可以容易在體育用品﹑戶外活動用品店找到。
61. 理解PR為Personal Record，而不是Pubic Relations。
62. 屋企有嘢要整同維修時，最好安排在你tapering的時間。
63. 當醫生同你講你要休息兩個月時，你即時反應是想打擭佢。
64. 買了新鞋，不敢拿回家，只好放在公司。因為屋企有人會詐型 (女仔除外)。
65. 中過不少伏，屋企有很多gadgets (如下圖)。
66. 仲有保存著渣馬的保暖毯。
67.  你同意以上六十六條。
68.  你的homepage係Fitz.hk  (編按：仲要like埋Fanpage)

更多：
Fitz.hk Facebook專頁
我的十大電影、電視劇及紀錄片中的跑步男神
[院友話我們最幸福] 跑步幸福指數
[讀書包膠]《跑馬拉松絕對不能做的35件事》之一
Yiu Kwong Chan＠Fitz.hk
Fitz Running 跑步