[名古屋女子馬拉松2019] 起跑前你要知

由

2019-03-08

Fitz > 運動 Sports > 跑步 Running > [名古屋女子馬拉松2019] 起跑前你要知

名古屋女子馬拉松，每年都吸引唔少香港女跑手飛到日本參賽。除咗因為7小時限時門檻低，Tiffany完賽鏈以及禮服男，亦係誘人報名嘅原因。比賽前大家不妨重溫這場比賽的特色。

Expo 嘉年華

Expo會場在名古屋巨蛋，亦即是起點及終點的地方，而最好嘅地方，係非跑手亦可以到場 (除咗拎號碼嘅登記處)。而名馬Expo雖然唔及大阪馬大規模，不過有一系列針對女性嘅紀念品，甚至連化妝品都有得賣，比起只有運動用品睇嘅Expo吸引得多。

大會以「愛知縣名物」為補給主題。不過跑過日本馬嘅跑友都知，民間補給先係重中之重。而名馬限時七個鐘，大家絕對可以盡情食!

大會提供多個中槍位置，大家起步前記得了解清楚。

當地天文台預報，比賽日多雲，間中有雨，氣溫維持10至15度。謹記上線前做足保暖措施。

50名禮服男會於終點等候選手，並送上Tiffany完賽鏈。不過根據過往經驗，禮服男係輪班制，所以可唔可同心儀嘅禮服男合照，都要講講彩數。

比賽日期: 3月10日 (星期日)
起步時間: 早上9時10分 (香港時間8時10分)