Fitz > 運動 Sports > 跑步 Running > 從跑步中見識香港人有幾仆街
圖片來源

我曾聽過一位博客說她N年前中學會考時的中文作文題目是《香港人有沒有公德心?》她憶述當年應考時是斬釘截鐵指出香港人是沒有公德心的,並提出海量例子,結果成績得了 unclassified。

其實不用跑步你我每天都見證到香港人有幾缺乏公德心。我的感受更深是因為星期天早上七時許去到運動場,場內只有寥寥幾人,但儲物櫃已經給霸哂,全部竟給扣上同一牌子鎖頭,究竟係乜L嘢玩法? 我晨咁L早起身,只有一個卑微要求: locker 一個唧,畀條生路行吓可唔可以呢?

我敢講香港無公德心的人係多L到你唔信的,如果攞佢地來填海造地,由石澳填開去,分分鐘填L到出去太平洋都得。

柒宗罪

1. 霸lockers

圖片來源

我們習慣用個「霸」字,「霸」字總給人野蠻,不講理的感覺。根據『老廉』德育資源網,霸位是不守紀律的行為。對於不守紀律的行為,我們絕不應仿效。

有一次同一位跑會 C9 理論霸 lockers,她反駁話「啲 locker 你架,想有 locker 咪早啲嚟囉,咁晏梗係無啦。」原來唔啱個個係我。

2. Gobee.bike 死因是「始終啲人自私囉!」

圖片來源

Gobee.bike 在香港推出時我是十分雀躍的,因為夏天從屋企跑去大埔,如果爆咗的話,可以踏單車返來。之前是坐火車或小巴,但身水身汗,又全身發臭,全車人都會怒啤我。況且將心比己,易地而處,我都想身處一個空氣清新的車廂中。

Gobee.bike 不足兩年便玩完,原因是維修單車開支龐大,無法賺錢。我認為許多使用者缺乏公德心,令單車快速損耗。共享單車遭破壞的情況非常嚴重,可能有些人見到單車到處泊阻礙行人,就會伸兩腳或踢冧它們。

去年最冷的一天,我從屋企跑去大埔海濱公園,在元州仔橋見到一位師兄正在元州仔公園對出的石灘拯救一部給掉進海裡的單車,我即時走落去幫拖,兩個人夾手夾腳先可以從水中把部車搬回岸上,師兄感慨說:「你唔鍾意佢地,都唔使掉佢落海架。」

一次我跑去雅典居時又見過一位身穿校服的男生把一部又部的共享單車扶起泊在不阻人的地方。當他泊好一部時,另外有10個L人亂泊。他在 Facebook 呼籲大家愛惜共享單車,Like 數是少過你貼一碗好L普通的餐蛋麵。

3. 屎,全部都係屎

圖片來源

跑吐露港,免得過,我都盡量都不會去沿途的各個洗手間,特別是要「爆石」時。我實在不明白香港人的肛門構造有什麼不同之處,點解可以疴到周圍都係。放心,講還講,我係唔會貼相的 (即使我有),包你睇完之後,鳩都縮埋。It is fucking everywhere,牆身同天花板都有。

4. 係呀,我係仇狗(主)的

圖片來源

從薄扶林搬到馬鞍山,發現兩個地方的狗主最大分別是怎樣處理狗隻的屎尿,薄扶林的狗主是帶水和膠袋清理好之後先離開的。我的街坊10個有11個都係置之不理的。見過阿叔同阿嬸用BB車推著隻唔知是什麼品種的玩具狗,唔好睇隻狗狗仔細細,篤屎大劈到好似係暴龍疴的。阿叔用報紙一手撿起來,隨手一揈,把包屎掉進路旁的草叢中,垃圾桶只是一步之遙。

須知道天氣潮濕,踏到狗屎係會跌到仆倒的,我經常跑去天宇海那邊,這裡也是放狗勝地,亦有很多家長帶小朋友來玩狗,你會聽到父母用 BB 話同小朋友溝通「你睇啲鳩鳩幾 dup 耳!」我沒有聽錯,佢地真係把「狗狗」讀成「鳩鳩」。

最火都嚟埋係一個打扮帶點 camp 的男仔時常喺度放狗,佢個隻係松鼠狗,好易認,係一見到人經過就嘈L生哂個款狗。不止一次見到他未有清理好便走人,而他更製造大量垃圾。每次佢隻「鳩鳩」疴完屎之後,他都會用一噸BB專用來抿屎的紙巾清潔「鳩鳩」的肛門。

沒有一次他是會把用完的紙巾丟進附近的垃圾桶和清理好地方,終於有一次我鼓起最大勇氣禮貌地跟他說請注意地方衛生。

「DLLM,有無攪L錯呀,又係咁,整L到成地狗屎同紙巾,你有無公德心架?」
「狗屎啫,有咩大不了。啲紙係 water soluble 架, 落陣雨就沖走哂啦,況且呢到有食環清潔。」Camp 男說。

原來 Camp 男條港女就係側邊,即刻走過來護駕,話我講粗口。食花生的 Babie Kingdom 家長都加把咀插我講粗口,咁無品。一篤屎幾咁唔閒,用不著 DKLM。

「一篤屎幾咁唔閒,咁你同我食咗佢吖!」
「你講粗口,就係唔啱。」原來一講粗口,你便輸了,即使對方有多不對。

5. Starfucks 在郊野公園

圖片來源

今年年初,我受邀陪一班商學院碩士生操山,路線十分輕鬆,陽明山莊跑去孖崗來回兩轉。青年才俊們先把 Audi 和 Tesla 泊好,拿著杯 Starfucks 咖啡斯斯然來到起點。開始不久,我跟他們說今日係跑山不是行山,使唔使先處理好你杯 Grande Latte or whatever。說罷,他們多呷兩口,便順手把杯拋到樹叢裡。

>

「入口度咪有垃圾桶囉,做咩係度揼呀?」
「唔想行返轉頭囉! 唔揼都揼咗,咁使唔使我落去執返呀? 有人執架啦? 我地唔揼,清潔工會失業架!」青年才俊道。

你唔執,唯有我執。有高等學歷並不代表有高尚品格,或者商界需要的正是這類人才。

6. 跑場禮儀

圖片來源

正因為香港地少人多,跑場不敷應用,跑步都要爭過你死我活! 運動場經常出現「跑霸」,之前出現過30、40友聚集運動場的跑道上拉筋,霸佔了足足6條跑道,阻礙其他運動人士,其他人跑步都要兜路行。有人上前勸喻,反被對方 DKLM。

不論是跑團、跑會、跑班,我們都是為了享受跑步樂趣。大家都是愛跑的人,只希望在繁忙的工作以外,透過運動得到一點寧靜,好應該互相遷就。

跑友還可以協商得到,赤腳在第1,2線踱步的大媽大叔、冚家大細散步,我是沒法子的。唔通叫他們睇《[倉鼠跑禮儀] 使用運動場跑道守則》咩? 嘥L氣啦!

7. 跛嘅就搭的士啦

圖片來源

當香港人捐錢是世界級時, 同時是什麼令到我們這麼自私呢?

話說去年跑步踏錯石壆,左腳『拗柴』拗到隻腳踭都變哂形。睇完醫生搭巴士返屋企,巴士來到時, 由於行動緩慢給打尖,我跟打尖的大叔說我正在排隊。他反話我企得太開,令他睇唔到我。個巴士站有幾L大呀? 阿叔。他仲嫌我行得好L慢,話我唔好再行得快啲。

上到車度,批鬥座已給大叔大媽佔據,我見一位大媽坐通道座位,把手挽袋放在靠窗的座位。我表示想坐下,她見到我隻象腳不但沒有把東西收拾,然後移進靠窗的位子,反而當見不到,一些反應都沒有。

我只好開聲話想坐進入面的位子。我係跛的,她就是偏偏不肯借歪讓我進去。到我話入唔到時,她話個位是留俾下一站上車個 friend。

「妳畀咗兩個人錢呀? 妳有咩權霸兩個位呀?」
「關你咩事? 」你一言,我一語,嗌起交上來。

這時車廂後面傳來一把女聲「唔好嘈嘞,樓上大把位。」

呢位乘客真係好L識攪氣氛,我可以點樣躝上上層呢? 我只好企硬回家,我一路企就一路喺後面望著條八婆,一於啤到佢周身唔聚財,竟然給我見到她正在用手機閱讀《靜思語錄》,唔L係嗎。我下車時, 大媽大大聲同我講「跛嘅就搭的士啦! 」

DKLM,當時我真係好想覆焯,用支拐杖監生扑死條冚家剷。但死一個又點樣,香港仍有數以百萬計這樣的低端人口。

Fitz 連結: https://fitz.hk/?p=99183


更多:
Fitz Facebook 專頁
愛跑步的波斯美女鐵人
閃到你失明的跑步情侶
到100歲時 你仍在跑步嗎?
都話「長」跑無益啦!
Fitz Running 跑步


文章為作者意見,不代表Fitz立場。
歡迎投稿: https://fitz.hk/contribute/