東京馬拉松大會最新公佈，因應疫情發展，2021年賽事只限居住喺日本嘅選手參加。已中籤海外跑手，其名額將延至2023。
此外，大會亦公佈今年賽事雖然只限本土跑手，但參加者仍需要自費進行病毒檢測，及遵守嚴格防疫措施。
東京馬拉松係亞洲唯一一場世界六大馬拉松大滿貫賽事，每年3月舉行，舊年因為疫情將賽事轉為精英賽，不設公眾名額。而2021年賽事改為10月17日舉行，名額由38,000縮至25,000，而家無咗海外選手，規模相信進一步縮小。
至於今年中籤嘅海外選手，點解名額要等到2023年先用得，主辦大會就無解釋。
資料: 東京馬拉松網頁
我哋坐唔定、無時停，唔做運動唔舒服! 只要係有用知識、重要資訊，以至好玩話題，Fitz都會全力搜羅，同時鼓勵「郁民」齊齊參與，打造一個開放嘅運動生活資訊平台。
