[渣馬備戰攻略] 比賽前一周的5項準備 (倒數7日)

由

2019-02-11

Fitz > 運動 Sports > 跑步 Running > [渣馬備戰攻略] 比賽前一周的5項準備 (倒數7日)

仲有幾日就係渣馬大考。呢幾日，有5件事記得去做，否則有可能會影響比賽表現:

1. 休腳

大致而言，比賽前七日要減少訓練量至正常日子嘅30%，亦要可取消所有負重訓練，避免令肌肉累積酸痛。亦有講法係賽前3日訓練量減至50%或以下，賽前兩天全唞。至於咩方法係最work，真係要靠經驗累積。

腳甲過長，跑動時有機會撞擊腳頭，引致腳指受傷 (最常見係黑甲)。在比賽前一星期記得剪好腳甲。切勿在比賽前一兩日先剪，如果剪得太貼肉就會影響比賽。

呢個禮拜，盡量戒絕生冷嘢 (如壽司、魚生、雪糕等)、煎炸嘢、刺激性食物 (辣嘢)，避免刺激腸胃。亦可多食纖維，令腸道暢通。總之盡量要食得清淡，麻辣火鍋呢啲，留番比賽完去慶功先食啦。

至於「醣原負荷法」呢類專業運動員級數嘅飲食方法，識跟就自己跟 (參考《[醣原負荷法] 運動科學策略提升半馬/全馬表現》)，唔識亦無謂而家先學。如果係跑半馬或全馬，就可以比賽前兩天食多啲碳水化合物 (如白飯、意粉)。

比賽起步時間係朝早，咁就要呢幾日開始適應呢個起床同作息時間。由今日開始，盡量早睡早起。而要爭取時間瞓覺。

記住，唔夠瞓絕對影響比賽當日表現。 (參考《想要跑得晒，跑得快，先要瞓好覺》)

反正呢個禮拜你都會心情緊張，咁不妨預早整理比賽當日嘅裝備。

裝備分為兩類，一類係比賽時跟身嘅裝備 (由跑衫跑鞋至power gel)；另一類係比賽前後嘅物資 (如比賽前用嘅凡士林、比賽後飲嘅朱奶)。

今日可以整理呢兩袋物資，見到有咩需要購買及添置，都趕得切。