Fitz > 運動 Sports > 跑步 Running > 渣馬前夕(八) 20條你一定會在渣馬遇到的L (下)

 

續上篇 渣馬前夕(七) 20條你一定會在渣馬遇到的L (上)

11. 水行L

圖片來源

我認識一些朋友,他們的汗腺是佈滿全身的,排汗散熱機能又運作得好好。即使是10度以下,慢jog一陣,已經成身爆汗。5分披的話,基本上,10幾分鐘後已經全身濕透。跑步時,我儘量跟他們保持起碼一米距離,因為他們會毫不吝嗇同你分享他的體液。

有一次入水站,突然感到後面有一碌硬物頂到我臀部,擰轉頭一望,原來是師兄『六呎二』好猴擒要飲水。他伸手過來時,正正揩到我個咀,那隻汗淋淋的手,我由手腕瘌到去腋窩。師兄快之外,臭狐都遠近馳名,幫佢瘌完之後,我完全失去鬥志。

12. 屎撈L

圖片來源

[渣馬2017] 賽道內外的N個觀察 有提及印有「廈門路跑會」嘅大旗,傳出惡臭,逼人跑快兩步。我就聞到濃烈屎味,當時並不是經過流動廁所,放眼四周,我見不到有選手瀨咗屎,真是耐人尋味。

13. 打氣L

圖片來源

每年都有選手因傷或「老抽」而要做步兵,大部分是頭耷耷,無哂心機。但也有例外的,我見過一些阿叔會鼓勵經過的跑手,他大聲叫喊「你地上啦,衝呀,唔使理我,唔使等我,我會跟上來」。係唔係好有雷霆救兵 feel 呢?

14. 陸L

圖片來源

渣馬是 (IAAF) 金標賽事,自然吸引到鄰近強國s (有s,是眾數呀!) 跑手參加,由於文化差異,我們要包容好些跟普世價值迥異的行為。例如旗陣,我遇過跑手團,一隊人像秦朝出土兵馬俑一樣組成方塊旗陣一起跑,旗上寫著「皇上萬歲,萬歲,萬萬歲」肛門化糞二隊致敬。

香港人理解的「包容」是「不推崇優,但跟從劣」。

15. 勾車L

圖片來源

小心被當 pacer。第一次是給別人當 pacer,那位師兄跟得很貼,我清楚聽到他的呼吸聲,他的呼吸聲有點淫賤,像在造愛時發出的嬌喘呻吟聲,好L驚! 只好狂奔拋離他。

另一次,發覺找到差不多 pacing 師兄做 pacer 是 work 的,於是緊貼一位阿叔跑,貼到他的頸應該感受到我的一呼一吸。阿叔是有帶心跳帶的,可能我給了他壓力,他的心跳加快得很厲害,響起警告來,他轉頭同我說,冚家剷,你過啦。

16. 喇叭L

圖片來源

人聽歌,佢聽歌,佢地鍾意小喇叭。好幾年前,跑全馬,入到西隧,傳來阿姐做個勇敢中國人的歌聲,原來有位阿叔腰纏一個聲音很拆的小喇叭,無限 loop 這首歌,no offence,我諗好多跑友 Spotify playlist 入面都唔會有呢首歌。 在西隧裡面,聲音給困著,要硬聽,我的心律開始不正常,sub-4 目標玩L完。

17. 上鏡L

圖片來源

比起我第一次渣馬. 現在沿途多了很多龍友,而『最緊要有相』的跑手比例越來越高,他們對鏡頭特別敏感,在西隧口,只要見到有攝影師,就會不顧其他跑手,連 cut 6條行車線,走到你前面,為博上鏡。切線不特止,還做出神獸金翅仆街鳥手勢,結果後面的跑手跟著做,乜嘢樣都遮哂,只見到號碼布。

18. 昅嘢L

圖片來源

傻強既名言,點樣分辨一個係警察扮既卧底:「你要記住,當一個人好唔專心咁做緊一樣嘢,而佢又望住你既話,佢就係警察。」賽道上,有為數不少志在昅女的跑友,見到靚女,第一時間死跟在後面,搭爹唔定,抄牌唔定。

19. 叫床L

圖片來源

我見識過有些男跑友跑起上來時係啪啪聲的,加上呼吸時發出急速的呀呀聲,淨聽聲,以為係攪緊嘢。入到糖街時,佢地總愛喃喃自語「我嚟喇,我嚟喇,I am coming,I am coming」。 去到維園最後50米時,他們會狂叫「我要爆啦!」,爆完之後,成個人垂軟倒地。

20. 老爆L

圖片來源

有些跑手全程都是8分披,去到糖街就開始爆上去。有一年,我遇上兩條用兇狠眼神睥著我的蛋散,兩條蛋散嫌我阻L著佢地,我聽到佢地講要攞靚位壓線影相 (壓線,你以因為自己爭一百米金牌呀?),不斷在推撞我。心諗有啲品可不可以!? 況且你是同自己比賽,不是同我。

因為我想造時間,所以發力過了他們頭,兩條蛋散誤會我刻意俾個 block 佢食。 我聽到其中一條跟另一條說「過佢,過佢老母。」

我即時感到很混亂,究竟你想過我定過我老母呢? 好,我就老母都唔畀你過, 冚家剷。

[年]度L

20條就好似7仔咁,梗有一條喺左近,睇L著[年]度L是常識。

更多:
Fitz Facebook專頁
渣馬前夕(七) 20條你一定會在渣馬遇到的L (上)
渣馬前夕(六) 我們都是潛力股
渣馬前夕 (五) 腦癇症的她是『拾科』跑者
陀B跑步傷啲定歹毒留言傷啲
渣馬前夕 (四) 愛與痛的邊緣
渣馬前夕(三) 莫忘初衷
渣馬前夕(二) DLF 好過 DNF
渣馬前夕(一) 一人少句 強片推介
Yiu Kwong Chan@Fitz
Fitz Running 跑步


文章為作者意見,不代表Fitz立場。