Fitz > 運動 Sports > 跑步 Running > 渣馬前夕 (九) 49 + 1 sub 245
圖片來源

星期六早上,去了維園俾田總玩足粒幾鐘,終於攞到選手包,然後我便趕去新界出席大學的職業講座。在講座場館外,我聽到幾位大學生指著講座宣傳海報說「嘩,畢咗業成20年,成40歲,呢啲老坑有咩好聽呀? Out 哂啦!」原來在年輕一輩心目中,40歲已經是『廢老』。

難怪我們這麼害怕轉字頭,對什麼入「伍」、登「陸」都十分忌諱,盡量迴避。當被問及年齡數字時只會顧左右而言他,不會正面回答。某個年紀之前,我們渴望成長。當跨越這個數字之後,我們開始抗拒透露年齡,十分懼怕生日。同時,我們會想盡辦法令自己看起來比實際年齡後生許多。
外貌或許可以呃得吓人,體能便是貨真價實,無得呃。

49 + 1

圖片來源

2017年12月3 日,Molly Friel 在加州國際馬拉松創造了一項紀錄,成為歷史上第二位年紀最長的女性取得奧運馬拉松資格,將於2020代表美國出戰東京奧運。這更是她第二次獲得奧運參賽資格,第一次是在2004年,時間是2:41:30,2016再一次達標。(第一位是當時54歲的 Sister Marion Irvine,她取得1984年奧運參賽資格,當年的時間是2:51:16,比現在慢6分鐘,

圖片來源

是這樣的,當轉入大直路時,Molly 老公激動大聲叫喊「老婆,妳跑緊去2020東京奧運呀!」Molly 以50歲「高齡」跑進奧運馬拉松不得不說是一項超凡成就。她以驚人的2:43:57完走加州國際馬拉松,遠低於2:45要求,全程平均配速是6:15一英哩,而且超穩定,前段以1:21:54完成,後段只慢9秒。

除了努力,還是努力

圖片來源

Molly 教練 Ian Torrence 形容她具備不輕易放棄的意志力 (grit),她很吃得苦。究竟 Molly 的成功方程式是什麼呢?

高哩數訓練,一天一課,有時下午會『加餸』3英哩。比賽前每周平均哩數介乎於90至100英哩,訓練周期內每三或四個星期,訓練量會減至60或70英哩。最長一課是24英哩。

她不感到老邁,她只覺得 (訓練方法) 老土 (she doesn’t feel old but she feels old-school)。她害怕做伸展運動,她的身體柔軟度不高,基本上站著時是做不到大幅度的伸展動作,所以她只會做一些80年代學校體育堂教的『彎腰掂吓左腳、掂吓左腳』十分輕可的伸展運動。Molly 從來不做交叉訓練,只做過一次 TRX,之後成個星期都郁唔到。

圖片來源

為跑步,唔搵食。Molly 現時在律師事務所任兼職秘書,每星期工作20小時。除非有特別需要,否則 Molly 絕少黎明即起做訓練。更奇怪是她從沒參加過波士頓馬拉松,因為她至憎舟車勞頓。

Molly 除了有教練外,還有3隻狗當訓練拍檔,Flynn 最跑得,一次可以跑14英哩,Buster 最叻跑到5英哩,Pogi 就只會呆在家中。Molly 認為訓練周期中的輕鬆跑好重要,這是跑步的樂趣所在,如果沒有愛犬陪跑,她說是好難捱得過艱苦的訓練。

訓練計畫並不如十誡般刻在石板上,受傷的話,Molly 不會強迫自己做高強度訓練,反而會爭取時間休息養傷。訓練計劃要有彈性,方可以長跑長有。

Molly表示她享受過程多於結果,她覺得快樂是來自賽前矢志專心接受訓練。(I love the process more than the end result)

Molly 從不顧忌飲食,老公唔煮飯時,她會食麥皮當晚餐。同時,她又會偶爾『自我放棄』喪食垃圾快餐、曲奇餅和糖果。

比賽當天的策略更加簡單到無倫,就是死跟245主車群和保持均速。當見到自己的策略成功,Molly是開心到癲的。

年齡只是數字,重要是你覺得自己多大。How old you feel 緊要過 how old you are 。

預祝大家星期日都跑出理想成績,終點見。

資料來源:



更多:
Fitz Facebook專頁
Carbo load 你一定聽過 但有無聽過 McDoload
渣馬前夕(八) 20條你一定會在渣馬遇到的L (下)
渣馬前夕(七) 20條你一定會在渣馬遇到的L (上)
渣馬前夕(六) 我們都是潛力股
渣馬前夕 (五) 腦癇症的她是『拾科』跑者
陀B跑步傷啲定歹毒留言傷啲
渣馬前夕 (四) 愛與痛的邊緣
渣馬前夕(三) 莫忘初衷
渣馬前夕(二) DLF 好過 DNF
渣馬前夕(一) 一人少句 強片推介
Yiu Kwong Chan@Fitz
Fitz Running 跑步


文章為作者意見,不代表Fitz立場。