[H.I.S. x Fitz.hk 七月大搞作] 與院友拍住上_03

H.I.S. x Fitz.hk Fitathlon Japan Running Series 第二擊, 已於7月16日順利舉行,好多謝當日出席嘅朋友!第四擊將於7月30日舉行,繼續有得跑有禮物送,7月24日早上9點開始報名,留意 Fitz.hk Facebook專頁!詳情:https://fitz.hk/?p=36802

今堂,繼續烈陽,雖則烈陽但無減一班跑友嘅熱血,好早到齊。好開心呀,仲見到另外兩位 Fitz Blogger,跑界烈女 Carmen烈敏,同跑界潮文作家陳生Yiu Kwong Chan,大家滴住汗上跑班,以跑會友。

今日,真係大開眼界,烈女 Carmen 竟然吹住芭蕉扇,擔住太陽遮上跑班,30幾度著黑色長梯 (音丶意:tight,壓力褲),力保雪白肌膚!女人好勁呀!竟敢上烈陽跑班!30幾度烈陽,真係好似煎魚咁辣!

陳生與烈敏
陳生與烈敏

與院友拍住上 3.jpg

真的佩服跑步女生,唔怕烈陽,唔怕曬黑,唔怕出斑,跑呀跑!哪裡來的意志?「靚女,你做乜咁辛苦啫?咁曬,唔好跑啦。」一位戴著黑超丶穿著耀眼丶擔住太陽傘的強國大媽在馬會貴賓廂外對我說。

講妳都未必會明,價值觀唔同,大家追求嘅嘢唔同,唔通我同妳傾內心丶心靈丶夢想丶鬥志丶鋼鐵的意志咩!途中,撞到潮文作家陳生,佢話烈陽之下仍然堅持跑著的女生真不簡單,謝謝你大大的掌聲。

與院友拍住上 5.jpg
粉紅衫為Edith

又撞到朝活達人 Edith,佢話「你仲跑呀?乜你咁好勝㗎!」「你鬥快就好勝!我鍾意練馬拉松嘅過程,好辛苦,但我又好享受,可以試下自己有幾捱得,向難度挑戰,努力堅持完成,好滿足㗎!哈哈!」

每個馬拉松跑者,都有自己的故事,當初為甚麼跑馬拉松,未必需要同人講,在心中。然而,練習馬拉松的刻苦丶忍耐丶堅持丶自律丶努力和恆心,當中的滋味和樂趣,只有練習過跑馬拉松的跑者才會懂。

中間已經有部份男生丶女生drop out咗,跑完第三個圈,Edith 話烈陽 Tempo 真係好辛苦,停啦!仲跑?我話:我要完成!唔可以咁容易放棄!我要堅持完成!說好的4個圈!有時,堅持容易,放棄更難!

[H.I.S. x Fitz.hk 七月大搞作] 與院友拍住上_05

闊別馬拉松十年嘅「吳師傅」吳輝揚,已決定聯同男神馬高、「冬天教練」徐弘泰(Winter)以及靚媽Joanne,12月出戰「那霸馬拉松」!而你都可以一齊去跑! H.I.S. 「那霸馬拉松套票」,7月31日前報名保證有位,仲有優惠添!詳情可參閱 https://goo.gl/BcwxeU

H.I.S. 網頁

更多:
Fitz.hk Facebook專頁
[H.I.S. x Fitz.hk 七月大搞作] 為馬拉松備戰! 33度烈陽下的interval!
[參賽保證] 沖繩那霸馬拉松2016
[免費訓練+機票抽獎] H.I.S. x Fitz.hk 七月大搞作,等你報名!
Fitz Running 跑步


文章為作者意見,不代表Fitz立場。

歡迎投稿: http://fitz.hk/contribute/

廣告
靚媽Joanne
半年之內,輕鬆跑完第一個10公里丶初半馬丶初全馬@名古屋女子馬拉松。身體力行,身教兩名子女,堅持丶努力丶不放棄。研究跑步禪,帶病友慢跑減壓,學習放下丶放空丶放鬆,提升身心靈健康。用生命感染生命,鼓勵身邊朋友,越跑越 Fit,越跑越靚。http://www.facebook.com/joanneli246