[HK100] 這一年我由半馬跑到100公里

Team HNR 2019-01-26

字縮小字型大小。字重設字型大小。字放大字型大小。

上年一月我堅跑完我第一個21K
今年一月我完成咗100K個人賽
無諗過過去一年我會累積左咁多里數呢一年都攰啦
所以都係簡單啲嚟十條自問自答總結一下吧

Q1: 點解會參加HK100?
答: 因為抽中左

Q2: 咁點解會去抽?
答: 同毅行一樣麥四字典(毅行隊友)叫我抽我就去抽

Q3: 自己一個行驚唔驚?
答: 一開始……驚! 最怕夜晚自己一個行所以知道自己中嗰陣報咗 Dark45 練膽
不過依家無咁怕啦因為我知道相信山神會眷顧我嘅

多謝花姐靚相十分有心為咗影晒每個參加者花咗好多心思雖然只係第一次見同只見到個幾秒但感覺好陽光好活力～見到花姐心情特別愉快!

----- 廣告 Ad -----

Q4: 自己一個行會唔會好悶?
答:又唔會呀望吓風景食下野哼下歌間唔中同唔同嘅人傾吓計～咁都嫌悶嘅話有力嘅就行快啲囉～時間都好快過嘅

Q5: 比賽中途有冇諗過放棄？
答: 有! 諗過無數次因為太肚餓啦~
但諗起大家嘅支持同埋我知道我放棄咗一定會後悔一世! 而且如果唔係身體出現咗狀況我相信無人會想退出嘅所以只要我仲郁到我都會碌到去終點唯有快啲去下個CP開餐

Q6: 港百條路難行嗎?
答: 同毅行比，就係無咗麥九同十嘅環塘
個22k加插咗係頭半後，除咗麥四至八係正常，其他就會喺行行吓熟悉嘅道路上加碎石啊上山啊沙灘啊泥地啊草地啊臨尾衝線嗰3K以為係全落斜都突然間又轉彎又係碎石落下上下再落山咁樣多咗嘅五百米攀升就係咁樣切出嚟

對慢腳仔嚟講主要難在要30個鐘內完成同埋頭段嘅 cut-off 都比較早即係要逼你跑下

----- 廣告 Ad -----

咁即係難嗎? 我都拎咗件完賽威威褸感覺都算還可以吧 (其實行緊個陣係#*#%?!%*)

為咗追CP cut off time…頭段就要開始跑下

Q7: 覺得港百安排尚算妥當嗎?
答: 好鍾意大會提供有印曬距離高度 CP資料嘅印水紙賽tee 同埋可以有兩個補給包
一個係行咗一半嗰陣可以拎一個係終點

大會好着緊參賽者嘅安全所以參賽者必備嘅清單入面有銀氈電話等等臨上馬鞍坳之前仲有檢查確保大家上到山凍都有嘢包住

Helper 們都好熱情係一啲奇怪嘅轉彎位臨到CP 到咗CP都會聽到佢地熱情地打氣聲
順便會有人 check 埋你個號碼布影下你相同埋睇下會唔會有人陪你行咁樣啦

每個CP嘅嘢食飲品都好充足我依啲咁遲去到嘅人都仲有唔少嘢食雖然食嘅嘢就唔係好啱我口味不過基本嘅水同飯絕對有貨

Alex真係唔話得！睇佢面青口唇白但都出現咗

Q8: 點解當初會想玩咁長嘅山賽?
答: 純粹想試下自己嘅耐力可以去到邊
慢腳仔雖然無速度但如果可以靠毅力完成到嘅野我都想試下
事實證明原來我都可以巧開心
最後發現有多個得著就係我認路叻咗少少咁啦

亨爺先係真正嘅籤王幾乎次次比賽都見到你多謝沿途相遇一直幫我打氣恭喜完賽

----- 廣告 Ad -----

Q9: 仲會唔會想繼續玩咁長嘅山賽?
答: 行緊個陣諗絕對唔想再虐待自己!
發明咁長嘅山賽嘅人都傻嘅! 再長啲個啲癡線嘅!
行完嗰陣話我短期內都唔想再掂山
隔咗一陣……等我練好啲再嚟過~

Q10: 玩山長跑又攰又痛點解要咁辛苦自己?
答: 全身肌肉痠痛嘅感覺其實真係好實在
身邊不時會有人同你講都唔知你咁樣作賤自己做乜乖乖地做一個斯斯文文嘅女仔咪算囉 (blablablabla)
其實就算唔跑我都唔會斯文
其實就算唔做運動行咗一日街都會攰啦
就算唔出街都可以病加上最近流感高峰期
的確玩咁長嘅山賽點都係會有少少過度疲勞嘅
再加埋賽後感冒發燒簡直好似全身火燒骨咁
另加少少行動不便實屬正常不過代表係盡咗力嘅證明所以就算係攰左啲我都好滿足
比人話係會有啲唔開心但了解我明白我支持我的嘅人仲有好多而且我喜歡現在這樣活著