世界衝浪冠軍挑戰香港龍舟 3近年有唔少山友唔用雙腳行山,轉而用水路探索各個島嶼及郊野地區,通常佢哋會租借獨木舟,但亦有人選擇較為冷門嘅「立槳衝浪板」(Stand Up Paddle,SUP)。

SUP源自夏威夷傳統交通工具,好處係可以喺唔同嘅海面情況中行駛,唔怕大浪,喺河流、湖泊亦能活動自如。所以,呢項運動成為近年水上活動嘅新貴,唔少人都鍾意以呢種方法去探索郊野。

8月26日星期六,兩屆SUP世界冠軍Casper Steinfath,連同水上運動高手Kai Lenny嚟咗香港,參與由香港直立板總會主辦嘅「第二屆香港國際 SUP錦標賽」,佢哋呢兩位Red Bull Team嘅成員,亦順道接受邀請,同香港消防龍舟隊進行比賽。

22歲已經係兩屆SUP世界冠軍Casper Steinfath
22歲已經係兩屆SUP世界冠軍Casper Steinfath
Kai Lenny 5 歲開始滑浪,7 歲開始接觸 SUP,10 歲便練習 kiteboarding,係真正水上活動高手。
Kai Lenny 5 歲開始滑浪,7 歲開始接觸 SUP,10 歲便練習 kiteboarding,係真.水上活動高手。
世界衝浪冠軍挑戰香港龍舟 4
Kai Lenny, Casper Steinfath 與消防龍舟隊賽前合照。

Kai同Casper喺呢場3局2勝制嘅比賽入面,頭2局200米嘅賽事,都敵唔過由20人一齊划嘅龍舟。到第3局400米比賽,Kai Kenny最終憑住SUP嘅靈巧,以及佢哋超卓嘅技術,喺轉彎嘅時候後上贏番一局。

佢哋異口同聲都好佩服龍舟嘅速度,事後更加忍唔住一划龍舟,更大讚香港係玩水上活動嘅勝地。

[以一敵二十] 世界SUP高手 vs 香港消防龍舟隊_03

[以一敵二十] 世界SUP高手 vs 香港消防龍舟隊_04

外國高手都讚不絕口,大家真係好好把握剩番嘅夏天,玩多啲水上活動啦!

[以一敵二十] 世界SUP高手 vs 香港消防龍舟隊_05

資料來源:Red Bull

更多:
Fitz.hk Facebook專頁
令人愛上獨木舟的理由
世界龍舟俱樂部錦標賽[email protected]南澳阿德萊德

分享
Fitz
我哋坐唔定、無時停,唔做運動唔舒服! 只要係有用知識、重要資訊,以至好玩話題,Fitz.hk都會全力搜羅,同時鼓勵「郁民」齊齊參與,打造一個開放嘅運動生活資訊平台。