[以一敵二十] 世界SUP高手 vs 香港消防龍舟隊

近年有唔少山友唔用雙腳行山，轉而用水路探索各個島嶼及郊野地區，通常佢哋會租借獨木舟，但亦有人選擇較為冷門嘅「立槳衝浪板」(Stand Up Paddle，SUP)。

SUP源自夏威夷傳統交通工具，好處係可以喺唔同嘅海面情況中行駛，唔怕大浪，喺河流、湖泊亦能活動自如。所以，呢項運動成為近年水上活動嘅新貴，唔少人都鍾意以呢種方法去探索郊野。

8月26日星期六，兩屆SUP世界冠軍Casper Steinfath，連同水上運動高手Kai Lenny嚟咗香港，參與由香港直立板總會主辦嘅「第二屆香港國際 SUP錦標賽」，佢哋呢兩位Red Bull Team嘅成員，亦順道接受邀請，同香港消防龍舟隊進行比賽。

Kai同Casper喺呢場3局2勝制嘅比賽入面，頭2局200米嘅賽事，都敵唔過由20人一齊划嘅龍舟。到第3局400米比賽，Kai Kenny最終憑住SUP嘅靈巧，以及佢哋超卓嘅技術，喺轉彎嘅時候後上贏番一局。

佢哋異口同聲都好佩服龍舟嘅速度，事後更加忍唔住一划龍舟，更大讚香港係玩水上活動嘅勝地。

外國高手都讚不絕口，大家真係好好把握剩番嘅夏天，玩多啲水上活動啦！

資料來源：Red Bull

更多：
Fitz.hk Facebook專頁
令人愛上獨木舟的理由
世界龍舟俱樂部錦標賽2016@南澳阿德萊德