武漢肺炎爆發,令大眾更關注公眾衛生,其中一個爭議,係究竟應唔應該開放游泳池。一方面,有人話池水以氯消毒,可確保衛生;但另一方面,幾十或幾百人共用一個泳池,而水係傳播病毒細菌絕佳途徑,所以難免成為播毒溫床。

Lindsay Blackstock

加拿大博士生 Lindsay Blackstock,針對泳池水所含尿液份量,早兩年研究咗31個泳池共250個樣本,發現情況相當恐佈,搞到佢以後唔敢去泳池!

中國大陸嘅水上樂園

小便多到嚇死人

Lindsay 研究後得出以下結論:

  1. 19%被訪者曾經喺泳池入面小便
  2. 經詳細檢測後,發現泳池水嘅0.1%,係尿液成份

Lindsay 話,尿液嘅化學成份同泳池水嘅氯混合,會產生三氯胺。呢種混合物,會引起刺激眼睛及呼吸系統疾病,所以佢發現唔少泳池清潔工,都試過工作時哮喘病發。此外,汗水、潤膚露同護髮產品都會導致問題出現。

不過,擁有28塊奧運金牌嘅菲比斯,就對研究結果不以為然,佢話:「人人都試過喺泳池小便,有乜咁出奇呀?」

菲比斯

而家 Lindsay 已經唔敢去泳池游水,仲會繼續研究一個有效更安全嘅方法為池水消毒,不過佢話最有效嘅方法,就係大家去廁所小便,唔好周圍屙!

資料: BBC

廣告
張伯倫
自細肥仔一名,後來因發現患有脂肪肝,決心多做運動注重健康,曾參加並完成毅行者,關注所有健康資訊。