武漢肺炎爆發，令大眾更關注公眾衛生，其中一個爭議，係究竟應唔應該開放游泳池。一方面，有人話池水以氯消毒，可確保衛生；但另一方面，幾十或幾百人共用一個泳池，而水係傳播病毒細菌絕佳途徑，所以難免成為播毒溫床。
加拿大博士生 Lindsay Blackstock，針對泳池水所含尿液份量，早兩年研究咗31個泳池共250個樣本，發現情況相當恐佈，搞到佢以後唔敢去泳池!
小便多到嚇死人
Lindsay 研究後得出以下結論:
- 19%被訪者曾經喺泳池入面小便
- 經詳細檢測後，發現泳池水嘅0.1%，係尿液成份
Lindsay 話，尿液嘅化學成份同泳池水嘅氯混合，會產生三氯胺。呢種混合物，會引起刺激眼睛及呼吸系統疾病，所以佢發現唔少泳池清潔工，都試過工作時哮喘病發。此外，汗水、潤膚露同護髮產品都會導致問題出現。
不過，擁有28塊奧運金牌嘅菲比斯，就對研究結果不以為然，佢話:「人人都試過喺泳池小便，有乜咁出奇呀?」
而家 Lindsay 已經唔敢去泳池游水，仲會繼續研究一個有效更安全嘅方法為池水消毒，不過佢話最有效嘅方法，就係大家去廁所小便，唔好周圍屙!
資料: BBC
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。
