road-ironman-%e7%95%aa%e5%a4%96%e7%af%87-%e9%90%b5%e4%ba%ba-%e6%9c%89%e6%84%9b-cover哥林多前書 13.4 說 : 愛是恆久忍耐與包容、又有恩慈 ……….. 凡事包容.凡事相信.凡事盼望.凡事忍耐。愛是永不止息!

雷彬冶文臉書 37.21 話 : 愛是恆久跟您同時揮汗,又有共鳴 …….. 凡賽參予,凡賽同步,凡賽一起,凡賽同心。愛是永不停步 ……… 永不停止跑步!

road-ironman-%e7%95%aa%e5%a4%96%e7%af%87-%e9%90%b5%e4%ba%ba-%e6%9c%89%e6%84%9b-2游泳係好無聊嘅運動,90 度角望住水底機械式轉動雙臂,擺動雙腿向前游 ………

單車係好自閉嘅運動,耷低頭睇住個 Garmin 留意住地面感受住坡度轉大餅轉細餅再轉翻大餅,自言自語向前踩 ……….

跑步係好沈悶嘅運動,雙目直勾勾的望向前,腦袋內自言自語排遣無聊,雙腳週而復始往前跑 ………..

鐵人三項係將以上三項加埋一齊,所以係一個好無聊好自閉好沉悶嘅運動,一大班人成百上千的向前衝,好似唔知追尋乜鬼揾乜春咁,鐵人之所以叫鐵人可能就係因為呢份無聊自閉但 Hard Core 嘅意志!

road-ironman-%e7%95%aa%e5%a4%96%e7%af%87-%e9%90%b5%e4%ba%ba-%e6%9c%89%e6%84%9b-4但鐵人裡面有一小撮人與別不同,佢哋參賽之時唔係同你我一樣一個頭兩隻手一雙腳,希臘神話裡面講過,混沌太初之時人類本來有兩個頭,兩對手,四隻腳!但天神宙斯漸漸對人類嘅力量感到懼怕,所以決定把人類一分為二,以為人類會對他敬畏三分,估唔人類非但沒有敬畏佢,反而從此忙著尋找自己的另一半!喺普悠瑪鐵人比賽度,有人印證咗呢個傳說故事 ……….

一身橫鍊肌肉平時聲音沙啞乜都無有怕嘅姚姓男子,棟篤企喺終點線邊上忐忑不安,直至其太座衝線先放下心頭千斤大石大叫美人上前送上香吻!

road-ironman-%e7%95%aa%e5%a4%96%e7%af%87-%e9%90%b5%e4%ba%ba-%e6%9c%89%e6%84%9b-3外號 鐵 Ton 嘅林姓男子本來跑得快過風,但因為要同女友一齊衝線多次跑回頭等埋一齊手拖手越過終點!

另一對 Couple 亦係攜手衝線之後在終點喜極擁抱,傍邊一名多管閒事義工破壞構圖差啲被傍人射殺!

一名滿臉鬍鬚嘅青年男子根本並無參予賽事,但為支持參賽女友充當隨團攝影師暨單車技師暨行李搬運員仲要踩架師奶休閒單車跟來跟去!我直情想問佢有無差不多樣貌質素嘅細佬介紹俾阿女!

鐵人,其實好有愛!

更多:
Fitz.hk Facebook專頁
[Road to Ironman] 鐵人定騙人? 鐵人的結局與騙局!
[Road to Ironman] 蝦兵蟹將闖台東,由淆底到好那興奮之間!
[Road to Ironman] 甩皮甩骨但自強不息的邪教教眾!
[Road to Ironman] 我加入了一個邪教叫 MidAgeOnG
Fitz Triathlon 三項鐵人

本文屬作者意見,不代表Fitz立場。

分享
雷彬冶文

老餅廣告人,資深美指。貪威識食,惡死睖瞪,腌臢腥悶,姣斯躉篤!熱愛運動,業餘中嘅業餘三鐵運動員,酷愛貪靚臭美程度至長期健身控制飲食,考埋 PT 教練牌!