Fitz > 運動 Sports > 瑜伽 Yoga > 痛到入心! 中國27歲女士上瑜伽堂壓腿啪斷腳

去健身室做 gym、上健身班,最多都係畀無良教練煩住 join plan,損失嘅都係金錢。不過內地有人去健身室上瑜伽課,就受到教練「暴力對待」,差啲搞到殘廢。

事發於安徽省合肥市,27歲王小姐參加健身中心瑜伽課程,20堂花費7800人民幣。佢上第一堂時,教練要求學員拉筋,不過王小姐十幾年無做過運動,完全拉唔開。於是教練幫佢一把,用盡力仔張佢雙腿拉開,王女子feel到「啪」一聲,痛到差啲暈咗,然後下個畫面就係喺醫院。

經醫生診斷,王小姐左側股骨乾粉碎性骨折,需要進行手術。就係咁佢留院16日,出院仲未行得返,唔好話做運動,連日常生活返工搵食都唔可以回黎正常。

健身中心雖然主動提出賠償5萬人民幣,但王小姐嫌少,話手術費已經要5萬6,5萬蚊賠償唔夠之後嘅醫療同開支。佢話要同健身中心周旋,希望可以得到更多賠償。

就因為咁,佢向媒體披露事件,希望可以還佢一個公道。(aka R多啲賠償金)

資料: 搜狐