[讀者來料] UTHK 幽靈檢查站考驗跑手?

傳說中嘅幽靈檢查站

香港一項超長距離嘅山賽Ultra Trail Hong Kong (UTHK)喺2月19及20日舉行。Fitz.hk喺2月21日凌晨，收到一位參加了50公里項目的讀者電郵，指UTHK比賽嘅支援、路線指示嚴重不足。經整理後，大致情況如下：

1. 檢查站沒有義工看守。
2. 檢查站由於沒有工作人員，到達時只是由選手自行簽到。而簽到嘅資料，竟任由風吹雨打。
3. 路線指示極為不清：除了沿路嘅絲帶及路標缺乏外，有疑似工作人員竟指錯路。

選手到埗時間，要由選手自己填，仲係放喺檢查站無人看守，任由風吹雨打。

信中更憶述，比賽期間他們遇到一位菲律賓的女選手，依著大會嘅標示而跑，最後跑錯路而中途放棄。而最慘嘅係，呢位坐飛機嚟香港比賽嘅菲律賓女選手，退出嘅時候喺比賽入面排第二。

菲律賓女選手行錯路嘅地方

這位讀者現已向UTHK大會正式發信投訴，並要求大會退回報名費。

投訴嘅內容，其實亦與某高手級跑手嘅facebook留言不謀而合。呢位高手喺facebook留言話，UTHK因為主辦大會，喺開賽前幾個月拆夥，所以呢場比賽係喺缺乏工作人員嘅情況之下開跑。

而呢位高手亦有赴會出賽，仲見識到有幽靈checkpoint，即係無人、無水、無食物，而外國選手驚成績不獲確認，就唯有自己寫低到埗時間。就算有人嘅檢查站，唔少工作人員要做足24小時。而呢位高手，最後亦因為指示不足，不斷行錯路，結果行多咗大概10公里。

究竟事實係點？UTHK又有咩解釋？期待主辦大會有進一步解釋。

呢個檢查站雖然都唔見有工作人員，但至於有幾個水樽，有幾個香蕉箱。

更多：
Fitz.hk Facebook專頁
[讀者來料] 渣馬跑手用假印搶頭位?
[渣馬數據分析] 一張圖睇下你跑成點
Fitz Running 跑步