傳聞用假印章排頭位的女跑手
傳聞用假印章排頭位的女跑手

有跑友向Fitz.hk報料,話上個月嘅渣打馬拉松,有「偽造假精英印」疑雲。據講,有人疑似用號碼布上假嘅「精英起跑區」蓋章,成功喺較前位置出賽,最後仲隨時攞埋獎金。

根據渣馬嘅做法,各組賽事嘅起點,會喺前排劃出「精英起跑區」,大會會挑選成績突出嘅跑手,喺號碼布蓋上「精英起跑區 Elite Start Zone」嘅印章,即係有個印就可以排前啲出賽,而據講,選手係收到號碼布先知有無得排前啲。(如大家知道更準確之安排方法,煩請指正)

報料人話,有位馬拉松挑戰組嘅女跑手,用咗一塊印住「精英起跑區 Elite Starting Zone」印章嘅號碼布,成功進入「精英起跑區」,最後仲喺3個半小時內完成全馬賽事,有資格拎到$1000達標獎金。

懷疑係假嘅印章(號碼布右上角), 隱約見到 "Starting Zone" 字樣。
懷疑係假嘅印章(號碼布右上角), 隱約見到 “Elite Starting Zone” 字樣。

報料人仲話,有人曾經向田總投訴呢件事,但田總並無任何行動及回覆,所以唯有將事件公開。

我哋亦喺網上公開嘅相薄,搵到呢位女跑手嘅相片,亦證實相中嘅號碼布,真係印上「Elite Starting Zone」嘅印章。而隨機找出嘅三位跑手,號碼布上嘅印章就顯示「Elite Start Zone」。而渣馬賽事手冊入面,亦係用「Elite/Priority Start Zone」呢個寫法,係無「ing」尾。表面證據顯示,「Elite Starting Zone」呢個寫法係有問題。

渣馬賽事手冊裏面,都係用 "Start Zone" 呢個term。
渣馬賽事手冊裏面,都係用 “Start Zone” 呢個term。

當然,香港實行普通法,而且係法治社會(應該仲係),唔係大清啲下三流衙門,疑點利益歸於被告,即係就算印章有錯字,亦唔可以一口咬定佢係偽造,可以係大會擺烏龍都得。而呢位女跑手,亦未必知道呢個印章嘅真偽,俾人整古都有可能。

我哋隨機搵出幾名精英跑手,當中包括Fitz Blogger SpeedPurple0
我哋隨機搵出幾名精英跑手,當中包括Fitz Blogger SpeedPurple0 (右)
三名精英跑手嘅號碼布放大之後,見到印章係 "Elite Start Zone"。 (按圖放大)
三名精英跑手嘅號碼布放大之後,見到印章係 “Elite Start Zone”。 (按圖放大)

[讀者來料] 渣馬跑手用假印搶頭位f
左:疑似假印;右:真印 (按圖放大)
不過,令人失望嘅係,如果真係如報料人所講,田總對呢宗投訴無回覆無反應,咁就真係有少少唔妥。因為:

  1. 如果咁簡單用一個錯嘅印章,就可以進入「精英起跑區」,咁即係前面可以無端端多咗人,對後面嘅跑手唔公平,間接影響成績;
  2. 如果印章可以造假,咁號碼布都可以係假,百萬人起跑絕對不是夢。田總喺號碼布嘅防偽上面,又做過啲咩功夫?當然號碼布之外,仲有樣嘢叫「晶片」,但除非起點有人check,否則係杜絕唔到嗰啲唔care成績/證書嘅跑手上線。
  3. 今次呢位女跑手,如果喺疑點重重之下,最後拎到$1000達標獎金,田總係咪應該回應下其他跑手嘅投訴?
2016年渣馬喺舊年爆滿之後,淘寶即刻有名額出售。
2016年渣馬喺舊年爆滿之後,淘寶即刻有名額出售。

再拉闊少少,諗諗下呢單嘢仲有好多問題:

  1. 任何比賽都要講求公平公正,渣打香港馬拉松貴為IAAF金級賽事,應該有更高標準。係咁意”CUP”個印仔就做精英嘅做法,似乎兒戲咗啲喎。
  2. 號碼布完全唔覺經過仿偽處理,令人諗起,之前淘寶有渣馬名額賣 (見《淘寶$1800人仔賣渣馬名額 打救香港同胞》,隨時可以係大規模造假活動。而號碼布設計十年如一日,簡單連比賽年份都無,呢方面係要改進下呢?
  3. 大會係咪應該要檢討一下只憑掛上號碼布,就可以進入起步區嘅做法?正如上面所講,係咪可以喺起步點check check跑手有無晶片?(例如喺指定入口位擺放機器/踏板)

我哋會將上述問題去信田總,希望可以盡快釋除大家疑慮。

(更新:我們2月19日早上11時35收到公關方面回覆,指查詢已轉交大會處理)

[讀者來料] 渣馬跑手用假印搶頭位_update01
(按圖放大)
圖片來源:運動筆記hk

更多:
Fitz.hk Facebook專頁
[渣馬] 我無上巴士 你唔好屈我
渣馬專區@Fitz.hk
[渣馬數據分析] 一張圖睇下你跑成點
Fitz Running 跑步

首頁 > 運動 Sports > 跑步 Running > [讀者來料] 渣馬跑手用假印搶頭位?