很多院友誤信跑步簡單而開始索K。以為著草﹑走佬﹑快閃是人類的天賦本能，小朋友不用教也識跑，基本動作是不斷把一隻腳放在另一隻腳前面。這樣簡單的活動，理應大家的睇法可以很一致，偏偏就是相反，爭拗原來可以不少。
我見過的例子有跑步會變甲組腳，有院友誓神劈願話開始跑步後，再穿不下super skinny 牛仔褲，心地好的姐妹立刻留言話係幻覺嚟嘅啫，然後放上42吋長腿照，之後樓主斬雞頭話真係變粗了。嗚呀哭了出來!
另外是到底是「前腳掌」落地，「中前掌」落地，「全腳掌」落地，還是「腳跟」落地好？十個教練有十一個講法，睇片後見到世界頂尖選手點跑後，媽呀! 我仲亂。
「腳掌」怎樣落地帶來另一個問題 – 跑鞋厚底定薄底好? 定赤足更好? 去年博士來港，在Launch8 辦簽名會，自然吸引了一班院友華山論劍,其間一位師兄跟博士的公子格劍，討論正確腳掌落地方法，又拍片，又用coach app微格分析，鬧哄哄的。我心諗跑步啫，使唔使呀! 但當離開時，發覺眾院友剛剛塞了錢入我袋，獲益良多。
鞋拗完，輪到衫。Compression,，有人激讚，有人不習慣。Runners’ World 試過討論壓力褲外面應否多穿一條短褲，是『現柒現袋』禮儀問題同aerodynamics 之爭辯。，正反兩面旗鼓相當，各有睇法。
----- 廣告 Ad -----
置裝後，起跑前，熱身拉不拉筋呢? 熱身不就是拉筋嗎? 參加比賽時，我見到很多院友都做靜態拉筋，跟著有師兄同我講筋唔係咁拉嘅，同煙一樣，係完事後做的。比賽前要做動態拉筋,拉筋但動態的?。
到參加倒屎咁早的比賽時，應不應該食早餐呢? 因為我都係空肚食早餐會唔掂的人。但有次參加天水圍Nike 十公里 (楊千嬅都有跑個年)，見到師叔食勁大隻茶樓糯米雞同飲凍鎮奶茶，我問師叔唔會滯咗啲嗎? 佢話唔會，話唔食會無力，拍了糯米雞後，他果然出閘後彈出，快過電兔。但我又見過人食完早餐後，可能忘記掃風，之後嘔奶。
到跑步時，又有人同你講，你的跑姿「唔夠經濟效率」。很玄，跑步跟經濟有關? 我完全不懂，不如一齊google一下，然彈出十九幾萬個searches，出現一大堆你弄不清楚分別的技巧：腳提幾高，身向前或向後傾等。再看下去，還有關於呼吸的討論，呼吸都有分歧！
到跑完後，有港女話不可以即刻食嘢，要等起碼四十五分鐘，因為會好吸收，她試過，很靈驗，我當時O L 哂咀，我想賽後補充是常識罷了。
----- 廣告 Ad -----
到準備第一隻馬時，有人話之前起碼要有五課四十公里以上goal pacing LSD.有持不同看法話未比賽已經跛咗。另外，練不練intervals好呢? 有教練話練，有教練不推薦，取而代之，用比賽pacing走多幾課LSD.
最大分歧是渣馬，有人罵，另一邊廂，有人話有得跑就跑啦，投訴咁多把托咩! 見過疑似田總代言人出千九幾字帖大力反擊，捍衛渣馬，當時撞上第一屆街馬，好容易會拿把兩者作比較，不知是否同一人，有另一帖大力鞭撻RunourCity，如果把他提出的改善建議放到渣馬上，相信香港會成為柒大。
最後，我年初出過一個帖講跑步對某種DSM-V病例有幫助，有專業人仕粗口留言X我，罵到我好似人渣一樣係度害人害物。
所以，我愛跑步不簡單!
更多：
Fitz.hk Facebook專頁
十個必追或(even better)娶港 跑女的理由
渣馬—衝線乜乜乜
Yiu Kwong Chan＠Fitz.hk
Fitz Running 跑步
