跑步心急人上

上世紀有一本很暢銷的雜誌叫《姊妹》，被譽為小學雞性啟蒙的讀物，幾十年前不像現在網絡資訊發達，學校對性更是禁忌，要獲取性知識，「姊妹」是唯一途徑。「姊妹」裡面最受歡迎的是「南宮夫人信箱」，而最多問題的讀者是「心急人」。

依家咩嘢年代呀? 寄信? 你唔係有病吖嘛? 所以《姊妹》摺咗。因為現在有 Facebook 全能神。近年來，跑步的人越來越多，幾乎每天都有人開始「喜」跑，新加入跑步行列自然問題多多，Google 以外，最方便快捷就是跑谷的 Facebook 全能神，發帖請求回覆，很少會遇到「已讀不回」，『月經』post 是會得到神的「快L準」回應。

常見的心急人問題

先帶頭盔: 本文並無意訕笑任何人，目的亦不是要令人擔心被笑而不敢出post，反而是鼓勵大家遇疑難，話我知，更奇怪的問題已經問了，何須介意。

1. 報了 Nagoya City Marathon，想問有無超平韓國機票介紹?

我的留言: 「樓主，飛日本好啲，我怕你會錯過起點。」
樓主回覆: 「點解要咁迂回?」我沒有回，我走了去跳樓。

以上是虛構出來的，因為真實的更令人O嘴。

2. 求救，我中咗名馬，但係我半馬都未跑過，但係報咗好多10K，渣馬係10K挑戰組唔慢得。短短一小時，樓主有40個建設性留言。

3. 類似的還有「中了渣打全馬，現在跑到3K，求 sub 4 慾成訓練計劃，因為工作很忙，每星期只能抽時間練到兩課」。

4. 又見過跑友練跑時碌了落山爬返上來，自拍一張雙膝血淋血瀨照片，問依家應該點做? 心急人上。你話呢? 通常柒問總會有人認真答，有疑似醫生跑友叫樓主趁還未失血過多休克前call白車。

5. 抽中京馬，撞正農曆年，好多問題要考慮，想問跑過京馬谷友值不值得去?

6. 抽中渣馬﹑東馬﹑倫馬﹑京馬，要找數，但只能跑一個，放棄邊個好呀? Eric Chan 問。擺明曬命，膠都費L事派。

7. 抽中名馬，全程即係跑幾多? 我為條 Tiffany 架咋。

8. 報了長野馬拉松，幾時跑? 從未去過長野，喺日本邊度? 求詳盡機票﹑JR，酒店住宿﹑當地交通如巴士，火車或租車資料，起點喺邊度，有無一落樓下就係起點嘅酒店? 點去? 起步時間，要預早幾多去到起點? 終點係邊? 唔該快。

9. 報了今個星期日10公里賽及親子跑，有事去唔到，有無人啱? 鐵路沿線交收。

10. 著tight時，大家仲著唔著底橫? 唔著會唔會磨損哂?

11. 聽大家成日講gel，新手一問，想問師兄們長課用開咩嘢gel，本人用開 Sumogel，嫌 hold 得唔夠耐，跑到10K時個頭已經亂哂，selfie 唔靚仔，有無好介紹?

12. 今晚衝完圈，唔知係唔係因為太激? 返到屋企小便有血，痾血，有無師兄試過?

13. 新手一問，本人扁平足、跑步時是腳向內旋、5呎爭吋半，200磅，有什麼牌子跑鞋介紹?

14. 跑馬前通常食乜嘢早餐? 空肚食早餐得唔得? 空肚跑得唔得?

15. 我真的受傷了，醫生話要休腳養豬四星期，但又好想跑，可唔可以畀啲意見?

16. 號碼布扣前面定後面?

17. 赤裸上身跑比賽得唔得?

18. 跑步短褲裡面係唔係仲要打底? 否則會露鳥。

19. 點樣可以一路跑山賽一路小便而唔會整濕自己又無人知?

This is my all-time favorite。

20. 唔知典解，每次跑完之後都好想「攪嘢」，有無 ctse 試過?

除了以上問題，還有什麼奇趣問題可以分享?

又或者你會怎樣一句圓滿 KO (回答) 以上問題?

求分享。

延伸閱讀

• Awkward Running Questions You’ll Never Ask
• Running Questions of Non-Runners
• 16 most embarrassing running questions… answered!

同場加映：Silly Questions Every Runner Gets Asked

更多：
Fitz Facebook專頁
《跑步時，我孤獨，但不寂寞》讀後感
無睡意跑步書
跑步培養不到好品格
Yiu Kwong Chan@Fitz
Fitz Running 跑步