圖: https://rawvana.com/

網絡文化有所謂「伸手黨」(有人直譯為 sun-hand),指社交媒體玩家唔經大腦,唔識 Google,有問題就上網問功課。問題由旅遊行程以日常生活 (清潔家居、維修家具、交通出行) 數之不盡。近年這個情況越演越烈,不少人甚至上網問專業的醫療問題: 由急症室輪候時間,以至小朋友面上長滿紅斑、屙爛屎等等問題都有。

這種情況,令不少未經核實的謠傳得以開花結果。最近美國爆發麻疹疫情,當中一個原因就是不少人相信了網上流傳的「疫苗有害論」,家長拒絕為子女接種疫苗。

直至 YouTuber 羅瓦娜 Rawvana 偷食肉事件,呢個問題先令大家開始反思。

有眼利網民睇到,Rawvana食緊嘅食物,有魚同蛋。(截自YouTube短片)

「賺素食者的錢去買肉食」

墨西哥藉網絡紅人羅瓦娜 Rawvana (真名: Yovana Mendoza),推廣生機素食 (Raw Food Diet) 。吸納接近200萬名 followers。佢因為聲稱素食為佢帶來健康,包括成功戒酒戒煙甚至可改善睡眠質素。所以世界各地嘅素食網民,都以佢為典範。而 Rawvana 亦經常於YouTube節目裏面解答大家疑難,並且介紹一啲素食產品 (即係賣廣告啦)。

不過,上個月 Rawvana 被揭發,偷偷咁食魚同食蛋,違反佢遵從「生機素食」嘅原則。追隨佢嘅網民當堂嬲到震,話佢「賺素食者嘅錢去買肉食」,紛紛棄她而去。


佢上 YouTube 解釋事件:

由素轉葷 「10個月來第一次射精」

喺香港「生機素食」稱之為「食生」,支持者相信食物經烹調後,會破壞其養分。因為食物經過遇熱後,脂肪同蛋白質會產生有害嘅化學物質。所以,佢哋堅持進要盡量生食食物 (或不高於攝氏47度嘅烹煮)。

不過,無論營養師以至生機素食者都指出,「生機素食者」因為拒絕進食動物蛋白 (包括蛋同牛奶),飲食上好難取得均衡。所以佢哋要食大量豆類製品,以及多吃堅果。而 Rawvana 聲稱佢就係因為呢個原因,出現停經情況,所以逼不得已食下魚。

另一位有幾十萬支持者嘅素食網紅,就係英國 Parkour 運動員謝夫 Tim Shieff。阿 Tim 佢遵從幾年嘅素食之後,亦因為身體問題轉番食肉。佢話轉吃三文魚及生雞蛋後,佢終於「10個月來第一次射精」。

Rawvana有多輯性感相,標榜食素好處。 圖: https://rawvana.com/

Facebook大神靠唔住

由 Rawvana 以至 Tim Shieff,佢哋嘅故事都話畀大家知,醫療飲食問題,唔似得旅遊行程或者清潔浴缸,唔可以相信網紅,更加無得「在線等」。事關每個人體質、身體機能,以及飲食習慣不盡相同,只要當中有少少差別,就足以危害健康。

Facebook 都係留番畀啲退休人士數下報紙廣告啦。

資料來源: Washington PostThe Times (UK)

Fitz連結: https://fitz.hk/?p=117450


更多:
Fitz Facebook專頁
[又有新研究] 雞蛋是「正義朋友」還是「邪惡軸心」?
健康產品的偽科學 愚弄人心
規管電子煙 更要規管垃圾食物
減肥計劃 必須要「親民」
[流感肆虐] 跑手高危一族 預防疾病要有方法
永誠@Fitz


文章為作者意見,不代表Fitz立場。
歡迎投稿: https://fitz.hk/contribute/

廣告
永誠
講求綠色、環保、天然的健康生活。推廣新一代健康生活文化。