[教你整] 江戶時代幻之雞蛋

日本江戶時代嘅「黄身返し卵」，即係蛋白同蛋黃反轉嘅雞蛋（有人稱為幻之雞蛋‬），近排忽然喺網上熱爆，大熱嘅程度傳到去英國，英國電訊報直頭搵埋專家教你點整。

做法如下：

1. 照一照雞蛋嘅蛋黃，係咪完好無缺。
2. 將蛋殼用膠紙包實
3. 將包好嘅蛋放入絲襪，然後起勢咁Fing，令蛋黃借助離心力帶出外面，包住蛋白。
4. 煮熟雞蛋，禮成！

示範短片

睇番台灣同香港網民，好多試過都失敗收場！咁究竟係咪伏呢？日本通健吾就comment話：「江戶時代點都唔會有膠紙同絲襪啩……」大家真係咁想整「黄身返し卵」，就或者要試多幾次。

同場加映：香蕉型奇異果

講開食物變身，近排網上亦瘋傳一條短片，話美國就有位仁兄發明咗一個神奇嘅「香蕉型奇異果」種植法，只要分別切開香蕉同奇異果，再將兩者合埋（記住種子對種子，方便「交配」），放入泥土淋水，大概一個月就有香蕉型奇異果食！真係咁神奇? 唔信大家可以睇下佢點整，去片！

係咪有啲不可思議? 無錯，呢個「香蕉型奇異果」係假嘅！不過外國又真係有唔少人信以為真，仲買齊嘢去試，結果就梗係……點都好，4月1日愚人節快樂！

資料來源：英國電訊報、iflscience.org

更多:
Fitz.hk Facebook專頁
蛋黃越深色越有營養?
香蕉就要「這樣吃」，破除飲食三迷思! 吃對方法更健康
Fitz Diet 飲食