Fitz > 飲食 Diet > [教你整] 江戶時代幻之雞蛋

[教你整] 江戶時代幻之雞蛋f

日本江戶時代嘅「黄身返し卵」,即係蛋白同蛋黃反轉嘅雞蛋(有人稱為幻之雞蛋‬),近排忽然喺網上熱爆,大熱嘅程度傳到去英國,英國電訊報直頭搵埋專家教你點整。

做法如下:

1. 照一照雞蛋嘅蛋黃,係咪完好無缺。
2. 將蛋殼用膠紙包實
3. 將包好嘅蛋放入絲襪,然後起勢咁Fing,令蛋黃借助離心力帶出外面,包住蛋白。[食物大變身] 種出香蕉型奇異果 4
4. 煮熟雞蛋,禮成!

示範短片

kimigaeshi
成功!
失敗之作
失敗之作

睇番台灣同香港網民,好多試過都失敗收場!咁究竟係咪伏呢?日本通健吾就comment話:「江戶時代點都唔會有膠紙同絲襪啩……」大家真係咁想整「黄身返し卵」,就或者要試多幾次。

同場加映:香蕉型奇異果

香蕉型嘅奇異果,可以喺泥土種出嚟。

講開食物變身,近排網上亦瘋傳一條短片,話美國就有位仁兄發明咗一個神奇嘅「香蕉型奇異果」種植法,只要分別切開香蕉同奇異果,再將兩者合埋(記住種子對種子,方便「交配」),放入泥土淋水,大概一個月就有香蕉型奇異果食!真係咁神奇? 唔信大家可以睇下佢點整,去片!

係咪有啲不可思議? 無錯,呢個「香蕉型奇異果」係假嘅!不過外國又真係有唔少人信以為真,仲買齊嘢去試,結果就梗係……點都好,4月1日愚人節快樂!

資料來源:英國電訊報iflscience.org

更多:
Fitz.hk Facebook專頁
蛋黃越深色越有營養?
香蕉就要「這樣吃」,破除飲食三迷思! 吃對方法更健康
Fitz Diet 飲食


文章為作者意見,不代表Fitz立場。