根據世界衛生組織數字，全球有2.6億人患有抑鬱症，男女之中，又以女性患者更為普遍，箇中原因相信與女性荷爾蒙變化有關。有組織就針對女性抑鬱症患者進行研究，期望可降低呢個病帶來嘅風險。
膳食纖維與抑鬱關係密切
有關研究搵來5800名更年期前嘅婦女，調查佢哋飲食習慣。結果發現，膳食纖維 (dietary fibres) 同情緒有極密切關係。研究人員指每日於飲食中攝入更多纖維，可降低停經前婦女患上抑鬱症風險。
研究人員補充，暫時仲未知道膳食纖維同抑鬱之間嘅關聯，估計係同腸道微生物有關。此外，佢哋未知心理健康嘅女性，食多啲膳食纖維會唔會更愉快。
----- 廣告 Ad -----
依照英國營養基金會嘅指引，五大種別嘅食物，含有充足嘅膳食纖維:
- 全穀類
- 水果
- 蔬菜
- 豆類
- 堅果和種子
上面呢幾種食物，就算唔係為咗抗抑鬱，其實都應該經常食用。
資料: NDTV
永誠
講求綠色、環保、天然的健康生活。推廣新一代健康生活文化。