運動手錶混戰時代開始

呢幾個月來香港嘅運動手錶市場風雲色變。行業龍頭之一的Garmin剛推出新一代的Fenix 3，New Balance又推出咗一系列New Balance Watch，連Asics都話計劃在五六月間在香港推出手錶。

不過，香港唔少果粉就決定等Apple Watch，因為早前蘋果大鑼大鼓咁話，呢款Apple Watch會有埋心跳脈膊等健康監測功能，令一眾跑手大為雀躍。但上星期，海外媒體陸續放風，話3月9日蘋果發布會，新嘅Apple Watch係唔會有呢一類監測功能，原因係技術未夠成熟云云，睇嚟要等到發布會先知消息真假。

另一邊廂，3月2日喺西班牙舉行嘅全球行動通訊大會(MWC)，唔少手機品牌，如三星、Sony等，就會推出新款嘅智慧型手錶，傳聞三星手錶會包含身體監測以及運動數據等功能。至於Google及微軟，亦傳會完善佢哋嘅健康資訊平台，微軟嘅Microsoft Band更話整裝待發來迎戰Apple Watch。HTC亦最新宣布推出為半專業運動員而設嘅健康手帶Grip。

眾裝備L，呢次真係要好好控制你嘅彈藥呀。