用單車發電並唔係咩新發明。不過一般設計，絕對唔可以一邊出街踩單，一邊使用動能發電。而羅馬尼亞嘅後生仔Thomas，就設計咗部只係價值5美金（唔使40蚊港幣）嘅充電器。
一句講晒，總之跟Thomas喺網上列出嘅步驟，一步一步咁砌，就可以砌出呢部充電器。充電器特別之處，係完全利用踩單車時嘅對頭風嚟發電，一啲都唔會影響單車嘅速度。
總之用呢堆材料，跟住網頁一步一步做就搞掂。
Thomas仲話，同類產品喺eBay賣緊112美金（約870港幣），佢賣花讚花香話，呢部嘢絕對係物超所值。
----- 廣告 Ad -----
eBay賣緊112美金嘅產品。Thomas話除咗張相影得靚啲，同佢嘅發明分別唔大。
資料：instructables.com
強國發明嘅BiWa
同場加映：
強國大連有位大學生發明咗一部叫BiWa嘅洗衣機，以單車驅動。呢個發明仲係研究緊…… 大家都係睇下相，笑一笑就算。
資料：新浪新聞
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。