用咗 Saucony Endorphin Pro 跑咗一星期，分別慢跑8km以及4km Tempo Run，發現呢對針對競賽設計嘅科技跑鞋嘅威力。
一穿上腳，即時感受到呢對 Endorphin pro 真係好彈，呢個中底 PWRRUN PB 泡棉帶嚟好強嘅彈力，雖然受密度同厚度不同影響，Endorphin Pro 未必係最彈，但係換嚟同地面有更多嘅溝通性，有更好路感以及更快嘅反應。
----- 廣告 Ad -----
喺速度課甚至比賽中，呢對鞋都可以令到表現更加好，鞋底厚度相對薄，令我更加感受到由腳指去到腳踭嘅全掌碳板，喺加速時更加順暢同推動前腳掌。不過注意嘅係，鞋底薄會令腳弓同腳板負荷相對較高，初次著嘅時候會唔習慣同較難掌握，所以呢對較適合已經著過有碳板或者內嵌板技術嘅跑者。
至於穿著感及舒適度，因為採用 FORMIT 單層工程網布，令鞋面對腳有充足包裹性，而且比起現時流行的半透明紗織面不同。透氣度感覺都較好。
整體而言，作為 Sacuony 第一對碳纖板跑鞋，Endorphin Pro 完全適合競賽以及速度訓練，追求反應以及路感嘅跑手值得一試，但要預番少少時間適應，因為厚度相對薄，相比最近流行厚中底鞋嘅感覺相差好遠。
達仔
跑齡4年，跑步教練及HNR crew，曾完成沖繩跑步環島、濟州跑步環島等。
