Altra TIMP Hiker GTX 到手，剛好筆者準備出發寧波，天氣預測會有狂風雷暴落大雨，咁就係最好時機測試新鞋防水功能啦!
睇返 Altra 官方網站資料，新推出嘅 Timp GTX Hiker 遠足鞋，有以下特點同資料:
1. 防水性: 採用 GTX (Gore-Tex) 防水技術，使遠足鞋在濕潤環境下具有出色嘅防水性能。
2. 足弓支撐: 遠足鞋採用 Altra 嘅 Natural Ride System，提供良好嘅足弓支撐同穩定性。幫助減輕足部疲勞同提供更自然嘅步行體驗。
----- 廣告 Ad -----
我哋着咗 TIMP HIKER 行咗20公里，上上落落，行咗大約4個鐘左右 總攀升大約1000m+ 當日非常之熱而且好曬 26-29度，雖然呢對鞋鞋面係用咗GORE-TEX防水物料，但都唔會覺得好焗，反而覺得非常透氣功能非常之好，中底都相當柔軟同埋柔軟！
3. 足部保護: 鞋頭配備堅固保護同耐磨嘅TPU，提供更好足部保護。適合應對崎嶇不平嘅地形同技術性嘅遠足路線。
4. 腳掌型鞋頭設計: 如以往採用 Altra 嘅 FootShape 腳型設計，提供更寬敞又舒適嘅前腳掌空間，令到腳趾能夠自然展開。仲有配備左舒適嘅中底同內墊，長時間穿著都會有舒適感。
5. 超強抓地力功能: 鞋底採用左 Vibram® Megagrip 嘅防滑橡膠鞋底，提供更出色嘅抓地力同牽引力。游走任何濕滑或崎嶇路段令你便放心。
筆者熱愛行山，去到寧波咁靚嘅地方，當然唔會放過每一個可以行山嘅機會。第一日跑完馬拉松之後，就連續三日穿着Timp Hiker GTX 四處周圍行山同行街
----- 廣告 Ad -----
測試後感
今次着咗幾日 Altra Timp GTX Hiker 再同上年嘅 Olympus Mid GTX 相比，感覺都有唔同嘅分別，本人得出以下嘅結論:
1. 鞋型同鞋底厚度設計: Altra Timp GTX Hiker 鞋底厚度 29mm，鞋頭相對貼腳，設計較為輕盈係一款有腳感，外觀靚仔、敏捷度高嘅遠足鞋 。而 Olympus Mid GTX (鞋底厚度33mm)，鞋底厚度多4mm，踩上腳 Olympus Mid GTX 感覺比較強嘅保護性。兩者比較，我覺得 TIMP GTX HIKER 最適合輕度至中度嘅遠足活動，而 Olympus Mid GTX 則更適合需要保護性最高同緩衝最高級別的人仕，包括徒步大長途旅行同更具挑戰性嘅地形。
跑完馬拉松嘅第二日，我哋就去咗行寜波東錢湖福泉山，行咗20幾公里，上上落落，行咗大約4個鐘，總攀升大約1000米左右。我幾鍾意福泉山，因為路線地形變化多有沙路、碎石路、泥路、草地同木板路等，絕對唔會悶
2. 鞋頭舒服: 鍾意 Altra 鞋，其中一個原因係鞋頭夠闊，次次着完佢行山，腳趾冇夾到變形，天氣熱行完山腳趾有陣時會水腫着 Altra 鞋好舒服。兩個鞋款鞋楦都一樣，不過 Timp GTX Hiker 鞋身設計比較貼腳，喺大熱天時行大長途的話，我覺得 Olympus 5 GTX 會舒服啲。
3. 防水乾爽性能：兩款鞋都係用 GTX (Gore-Tex) 防水技術，基本上防水性能都冇得輸，雙腳都好乾爽。不過 Timp Hiker GTX 面料比較輕巧，而 Olympus5 GTX Hiker 鞋面係真皮料，相對亦都較重，着上腳「野外」feel 重啲。
行完山之後晚上去咗行夜市，突然狂風大雨，正好可以測試對鞋嘅防水功能，Gortex面料冇得輸 測試順利過關。
4. 中底舒服緩震力可以: Altra Timp GTX Hiker 鞋底厚度29mm中底用 Altra 自家嘅 EGO Max 造，聽聞以前淨係用喺路跑鞋度，依家引伸到越野跑鞋同埋行山鞋。第一腳踏上去比起之前Olympus Mid GTX (鞋底厚度33mm，EVA 中底料)，薄身好多，但行長咗時間，就感受到呢一個 EGO Max 嘅中底，都幾舒服嘅，緩震力都可以。不過如果你打算用嚟行大長途距離的話，我都係建議選擇 Olympus GTX Hiker 會好啲。
Timp Hiker GTX 鞋頭夠晒闊，所以行咗成日返到酒店腳趾都完全冇投訴，so nice!
5. 鞋子重量:
- Timp GTX Hiker – 13 盎司/368 克
- Olympus Mid GTX – 15 盎司/436 克
總括而言，我同親親對 Altra Timp GTX Hiker 都好滿意! 我哋兩個都喜歡足感比較強，而且輕巧，又容易襯衫嘅鞋，全黑鞋容易 Mix and Match。Timp GTX Hiker cushion 足夠但厚度明顯少啲，踏上腳有着地感，鞋頭寬闊四平八穩高穩定性。旅行好多時影相打卡，Timp Hiker GTX 作為一對出街行山嘅全能鞋非常合適。但如果身形比較高大，又或者準備超長距離嘅行山探索，應該略欠 cushion，建議選擇 Olympus 5 GTX Hike.
----- 廣告 Ad -----
作者: Hubert
