國家領導人習大大日前北京出巡，視察冬季奧運會設施，被發現身穿一件價值850加拿大元 (約$5000港元) 嘅 Arc’teryx Therme Parka 嘅羽絨長褸，旋即成為熱話。
起初有網民有眼不識泰山，竟然造謠中傷大大，話 Arc’teryx 係洋貨。事實係，Arc’teryx 「始祖鳥」呢個加拿大品牌，早前已被中國嘅安踏體育收購。而呢件羽絨大褸，據聞仲係國產，既防水又防風，絕對係高品質國貨。而2022北京冬奧，安踏亦係主力贊助商之一。
----- 廣告 Ad -----
消息廣傳後，據聞國內人人追捧呢件羽絨褸，而安踏體育 (02020.HK) 股價星期二更一度大升。有習大大加持，呢隻始祖鳥想唔「紅」都幾難。
資料: 自由時報
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。