[鉛水都唔驚] 殺菌+過濾 旅行遠足超強水樽

聲稱可以殺菌兼過濾嘅新科技水樽。

大家去行山、露營、旅行，自攜水樽已經係指定動作。近年更加有人拎個紫外線嘅水樽，為咗可以喺需要時，隨時補充飲用水。不過，呢啲紫外線水樽，喺使用上有幾點值得留意：

1. 水源唔可以太污槽，通常要達5NTUs。NTU係指水質嘅清澈度，以1NTU為最低，3NTUs大概指水有少少黃，5NTUs已經頗濁。而呢一類水樽，就強調就算水有雜質，使用紫外線殺菌之後仍可安全飲用。
2. 紫外線只能殺菌，並不能清除雜質（包括沙泥、重金屬等）。如果真係要飲黃泥水，水裏面雖然無菌，要飲落口仍需要強大勇氣。
3. 呢啲水樽要使用電力，有啲用電池，有啲用USB叉電，總之要面臨突然無電嘅危機。

呢個係其中一款市面上嘅紫外線水樽Camelbak All Clear Purifier Bottle。將入滿水嘅水樽搖60秒，就可殺菌。

更多資料：Camelbak All Clear Purifier Bottle

由於上面啲問題，有人就研究咗一個叫GRAYL Ultralight嘅旅行水樽：

1. 唔使用電，只要水樽入滿水，將濾芯向下壓。20秒就搞掂。
2. 濾芯可以過濾水中有害物質，包括泥沙、細菌、病毒，甚至係重金屬，例如鉛。
3. 由於有埋過濾功能，所以無論水源點污槽，亦可以飲到安全嘅水。

1. 入滿水

2. 用全身力量向下壓，20秒就OK。

廠商稱可過濾嘅有害物質。

短片介紹：

呢項研究而家係眾籌階段（Kickstarter），水樽預計會喺2016年年中推出市面，計劃賣60蚊美金。比起外國網站賣緊嘅紫外線水樽要賣到80蚊美金，仲平一大截。至於佢係咪真係咁掂？我哋暫時攞唔到上手無得試，但有外國Youtuber就話好得：

Kickstarter網址：GRAYL Ultralight

有行山友話，香港啲溪澗嘅水，就算煲滾咗都唔敢飲。不過問心嗰句，喺飲水思鉛事件之後，你真係對日日飲嘅水喉水100%放心？

更多:
Fitz.hk Facebook專頁
[戶外煮食神器] 無煙無火淥個公仔面!
救命毯可減「低溫症」機會
4大車船直達的營地
Fitz.hk Life生活