HoverAir X1 迷你自拍飛行相機 | 鷹鷹越野訓練的隨身裝備

Fitz運動資訊 2023-09-22

今屆 UTMB 落幕，由「鷹鷹」曾進傑、羅楚健及「火車頭」林成業組成的UFO參加了最艱難的項目 PTL (Petite Trotte à Léon)，用上了133小時46分07秒完成311公里，總成績第28名。鷹鷹返港後，隨即與我們分享他在PTL的感想。

鷹鷹是第二次參加PTL，但今屆的情況更艱難:

「今年情況特別差，起步頭兩日大風大雪，我哋仲要攀6座滿佈積雪嘅大山，我哋之前無人行過雪地，只能跟住前面足跡而行。」

「PTL 另一個困難之處，就係每年都會改變路線，我哋要跟住大會嘅GPS路線。不過佢嘅GPS經常有偏差，試過引導我哋去懸崖、密樹，更試過指定路線要穿牆而行，好多選手因為唔想冒險而中途放棄。我哋就好好彩，最後都算安安全全完成比賽。」

PTL 開賽前，鷹鷹已經去到歐洲進行賽前備戰，他最近在越野訓練時，都會帶上他的必要裝備: HoverAir X1 迷你自拍飛行相機。

自拍也可幫助訓練

在鷹鷹的訓練裝備裏面，最近多了一件必帶裝備，就是 HoverAir X1 迷你自拍飛行相機。鷹鷹說，自從有了 HoverAir X1 ，他的訓練開拓了「另一個世界」:

「我以前自拍都係為咗打卡，不過用咗 HoverAir X1 之後，睇返自己嘅短片，竟然被我發現自己喺技術上、姿勢上，有好多地方可以改進。好似話下山嘅落腳點，轉彎時嘅技術等，有咗自拍短片之後，令我明白到自己有咩問題。」

HoverAir X1 迷你自拍飛行相機，機身連充電池只重128克，方便攜帶上山訓練。而佢獨特之處就是無需第三者操作，自拍機會跟隨使用者步伐拍攝，做到「自拍飛行」。

「以前睇過好多外國嘅航拍短片，影住個跑手由高處落山。不過呢啲短片通常係啲外國大賽，由專業航拍攝影師操刀。但呢部 HoverAir X1 ，可以做到唔使其他人幫手都可以自拍，仲拍出呢啲咁震撼嘅短片，配埋音樂嘅話，用嚟呃like一流!」

三大使用心得

鷹鷹在歐洲備戰 PTL，也帶上了 HoverAir X1 試用多時，他在使用上有三個心得:

盡量用低角度拍攝 (俗稱低炒)，構圖上可拍到較大範圍後方風景

2. 如將自拍飛機以正面拍攝倒後行拍攝，請記得設定在「持續航行」模式 (continuous)；如設定時限，可能會因飛機突然停頓而迎面撞上。

3. 使用高空拍攝梗式時 (如 Bird’s Eye 或 Zoom Out) 請留意附近地形，盡量在開揚處起飛，人越多畫面更靚

鷹鷹是三項鐵人選手，不過因為自拍飛機最高航速20km/h，所以在較高速的單車訓練上，未必會用得上。不過在歐洲山徑使用時，就算在市鎮內使用亦沒有發生問題，足見安全性甚高。

HoverAir X1 迷你自拍飛行相機規格及主要功能

HoverAir X1 迷你自拍飛行相機，機身連充電池只重128克，其摺叠設計相當輕巧，方便放入戶外背包腰包，帶上郊外拍攝。螺旋槳採用了 Biobased 生物基材料，甚為輕巧柔軟，不用怕被螺旋槳割傷，對附近人及物件都相當安全。

使用上，只要連接 iOS/Android 手機 App ，就隨意操作自拍機，即使沒有用手機連接的情況下都可以按預設的軌跡飛行或拍攝。而它的自動跟隨功能，實現了「完全自拍」的理想，在不用第三者幫忙之下仍可拍攝。

HoverAir X1 支援拍片及攝影功能，拍攝像素為 1,200 萬像素 (4000 x 3000)，而影片畫質為 2,704 x 1,520 @30fps、1,920 x 1,080@60fps、1,920 x 1,080@30fps (HDR)。錄製完的影片或相片會先儲存在內置的儲存空間。共有32 GB，一般使用已足夠。電池可連續使用11分鐘。