香港處於亞熱帶地區，只要衛生環境唔理想，就好易出現蚊患問題。以蚊為傳播途徑嘅登革熱，已經係香港風土病之一，政府亦定期推廣滅蚊運動。
位於熱帶地區嘅印尼，登革熱更為嚴重，印尼當局為打擊登革熱病，研究新嘅滅蚊技術。佢地藉由培養感染沃爾巴克氏菌 (Wolbachia) 嘅蚊，去減少登革熱嘅傳播。佢哋發現，引入「生化蚊」嘅地區，登革熱病例減少77%。
沃爾巴克氏菌是一種常見微生物，通常寄生喺昆蟲，能保護宿主唔受登革熱病毒侵害。科學家發現如果雌蚊感染沃爾巴克氏菌，會將病菌傳至下一代。佢哋利用呢個特性，用三年時間培育大量帶沃爾巴克氏菌嘅「生化蚊」，並將「生化蚊」釋放，令該地區登革熱病例減少。
印尼每年有超過700萬登革熱病例，參與這項研究嘅教授話，印尼遲下可能唔再有登革熱病。
----- 廣告 Ad -----
資料: CNN
永誠
講求綠色、環保、天然的健康生活。推廣新一代健康生活文化。