施政報告發展先行: 香港面臨消失的熟悉美景

特首林鄭月娥公佈任內最後一份施政報告，推出包括《北部都會區發展策略》等計劃，發展新界西北部等地區。如計劃落實，新界各地將大變身，好多大家熟悉景觀都有消失危機。

下白泥日落

施政報告提出，要將流浮山建立規模媲美數碼港的地標性創科設施，亦會於興建尖鼻咀至下白泥自動捷運系統。計劃之下，流浮山、下白泥一帶泥灘及養蠔場，勢必大幅度發展，而香港著名景觀「下白泥日落」，景色定必有所改變。

沙田雙子橋

施政報告提出馬料水填海，將沙田污水處理廠遷入岩洞，騰出土地為科研用途。旁邊的「雙子橋」雖然不似會消失，但景觀亦會大幅改變，到時能否繼續使用作跑步、踩單車，也成疑問。

白石角賽跑

鍾意跑步嘅香港人，一定去過白石角跑步。施政報告提出增設東鐵「白石角站」或「科學園站」，同時將教育大學運動中心搬走，到時白石角、科學園一帶或將有更多「高尚」住宅。

疫情前有白石角「豪宅」多次阻止三項鐵人賽於吐露港一帶舉行，如果呢區再多啲住宅，要喺白角石舉辦長跑比賽，相信會難上加難。

東北美景印洲塘

施政報告話，要發展港深緊密互動圈和大鵬灣/印洲塘生態康樂旅遊圈，計劃落實相信令烏蛟騰至鹿頸一帶大興土木，而遊客增加亦勢必對該地生態環境造成壓力。未來日子，印洲塘美景可唔可以保留，還需大家積極關注。

「杯靈雙渡」要改道

圖: 囉嗦大叔

施政報告提出於元朗洪水橋、廈村興建鐵路至深圳前海，著名山徑「杯靈雙渡」終點靈渡山，正位於元朗廈村附近。如果呢處興建大型鐵路，靈渡山一帶地區有可能變得面相全非，而靈渡山嘅山徑會唔會改動，都令人十分悲觀。

城市要發展，市民本應支持﹐不過多年來政府都係先破壞後建設 (甚至係先破壞無建設)，咁先會令市民討厭「發展」呢兩個字。

資料: 立場新聞、香港01、沙田交通關注組 Shatin Transport