講到馬騮為患，香港人應該唔陌生。香港嘅馬騮，會強搶行山人士手上零食、汽水，甚至破壞停泊路邊汽車。多年來無論官方及民間，都呼籲大家唔好餵飼馬騮，可惜成效甚微，馬騮更有日漸猖狂之勢。另一邊廂，泰國因為宗教原因，馬騮進駐城市，對人類生活有更大滋擾。泰國人於是諗到方法，搵「佢哋」幫手。
泰國華富里府猴子為患
泰國中部華富里府，有寺廟停車場就向旅客租啲玩具鱷魚放上車頭，避免馬騮爬上汽車進行破壞。當地人話，呢個方法表面上自欺欺人，但似乎有一定功效，因為馬騮對汽車破壞大為減少；亦因為咁，有商店亦喺當眼處擺放鱷魚公仔，希望呢班大聖爺減少光顧佢哋舖頭。
事實上，當地政府知道猴子問題嚴重，已開始著力整治有關問題，包括為誘導佢哋服食避孕藥，降低出生率。
同場加映: 香港用麻鷹趕野鴿
圖: 聯合新聞網
差不多驅趕方法，亦有香港人諗到，有人將麻鷹公仔掛喺窗邊或露台，唔畀野鴿飛近屋企，減少鴿屎嘅污染，用家話即時無野鴿埋身喎。
泰國猴子報道: New York Times
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。
