[信則有] 血型決定你嘅運動種類

自從清遠馬拉松發生「食番梘事件」之後，香港跑友突然之間好關注國內嘅長跑賽事。而清遠之後，成都馬拉松喺3月27日舉行。值得慶賀嘅係，成馬順利完結，並無發生咩大問題。

反而，國內傳媒就集中講成馬賽事嘅數據。當中，好奇怪咁佢哋竟然會有跑手血型嘅統計。國內傳媒話，A型血嘅選手，就係最多喎。

3月27日成都馬拉松，統計話A型血嘅選手最多。

用血型去分析運動能力，原來喺上世紀已經開始。根據研究所講，唔同血型會有唔同嘅身體機能以及性格，適合做唔同運動咁話：

O型

• 體質與性格：最普遍的血型。自信心、意志力超強，充滿活力。身體易長肉，因消化能力較佳
• 適合運動：跑步、游泳、單車，呢一類長時間嘅運動。

A型

• 體質與性格：做人認真、敏感、忍耐力強，但自尊心太重，情緒不穩。身體嘅消化系統較差。
• 適合運動：以放鬆為主的運動，如瑜伽、太極等。

成都馬拉松佔最大比例嘅A型血人士，原來最適合做嘅運動就係太極。

B型

• 體質與性格：玩咗先算嘅玩樂主義者，消化能力高，易肥，但體質不差，頭腦清晰。
• 適合運動：講求平衡、刺激的運動，如單車、體操，以至行山、極限運動等。

AB型

• 體質與性格：全世界只有少於5%嘅人擁有，為人可隨機應變。身體方面消化系統極為敏感，易肥。
• 適合運動：靜中帶動嘅運動，如瑜伽、太極、高爾夫球等。

值得注意係，用血型判斷身體機能，係呢十幾年嚟由自然療法嘅治療師所倡導，暫未見有嚴謹嘅科學研究。而且，做邊種運動其實自己鍾意就得，其實唔使考慮咁多呀。

資料來源：騰訊網、Prevention

更多:
Fitz.hk Facebook 專頁
[唔係玩玩下] 5種古怪運動比賽
7個同狗狗做運動的準備功夫
Fitz Life 生活